Home Hudicial Hobennan den caso di maltrato poni den libertad

Hobennan den caso di maltrato poni den libertad

129
0
SHARE
- Advertisement -

Ministerio Piblico a informa:

ORANJESTAD (AAN):  Ministerio Publico a informa diabierna atardi cu Huez-comisario a dicidi pa pone e cuatro mucha hombernan cu a keda deteni riba 4 di September ultimo relaciona cu un incidente caminda un persona a wordo maltrata, den libertad.

Un rato prome fiscal di husticia a dicidi pa alarga detencion di e sospechosonan.

Huez-comisario a considera cu tin suficiente sospecho contra e dos mucha hombernan cu lo a maltrata e homber, kende ta un adicto ambulante. Sinembargo, ta trata di sospechosonan hopi hoben cu ainda ta bay scol, cu ademas a coopera completamente cu interogacionnan na polis.

Tumando na cuenta e derechonan di mucha y tambe e circunstancianan bao di cual e mucha hombernan aki lo mester a keda deteni, huez-comisario a dicidi pa laga nan bay.

Pa loke ta e otro dos mucha hombernan cu ta wordo sospecha di filma e maltrato, huez-comisario a haya cu tin insuficiente prueba pa complicidad den maltrato di e persona.

- Advertisement -

DUNA COMENTARIO

Please enter your comment!
Please enter your name here