Home Policial Homber a haya varios tiro den curpa y ta den cuido intensivo

Homber a haya varios tiro den curpa y ta den cuido intensivo

1186
0
SHARE
- Advertisement -

KPA: Ainda no tin detencion

ORANJESTAD  (AAN):   Un otro suceso cu a tuma lugar diabierna a keda raporta door di Cuerpo di Polis.

Ta asina cu diabierna madruga pa mas o menos 12:30 central di polis a wordo notifica cu un homber probablemente lo a wordo tira na un cas na Semeleerstraat  na Noord.

Por a compronde cu e personanan na e sitio lo a hiba e victima hospital di biaha.  Na yegada di polis na e sitio di e sucedido a bin encontra cu hulsnan.  A pone departamento di recherche na altura y tambe polis tecnico.

Na e sitio recherchenan a cuminsa cu nan investigacion pa por saca afo kico exactamente lo por a pasa.

Loke ta e situacion di e victima por a compronde cu e lo a haya tiro diferente parti di su curpa. Docter a opera e victima cu urgencia y awo e victima ta den cuido intensivo.

Departamento di recherche ta investigando e caso.  Te ainda no tin nuin detencion.

Cuerpo policial ta haci un apelacion na e pueblo di Aruba un biaha mas pa esun cu sa algo of a wak algo yama tiplijn di polis 11141 . Bo anonimidad ta garantisa.

- Advertisement -

DUNA COMENTARIO

Please enter your comment!
Please enter your name here