Home Hudicial Homber di 52 aña aresta pasobra el a abusa di tres mucha

Homber di 52 aña aresta pasobra el a abusa di tres mucha

5456
0
SHARE
- Advertisement -

ORANJESTAD (AAN): Oficialnan hudicial di Jeugd- en Zeden Politie riba ordo di Ministerio Publico, a detene un persona kende ta traha na Departamento di Obranan Publico.

Y e acusacion ta serio, esta cu e ta wordo sospecha di a comete actonan inmoral severo contra por lo menos 3 mucha inocente.  E informacion aki a plama inmediatamente Diaranzon atardi despues cu e portal 24ora a publica esey.

E persona aki a wordo identifica como Jaime Trimon di 52 aña di edad.  E ta wordo considera na Aruba como un experto electrico, cu specializacion riba e sistema di Luznan di Trafico riba e isla.

Awor e ta encarcela, debi cu Husticia di Aruba tin declaracion na monton di muchanan chikito, cu a admiti cu hopi dolor na nan curazon, cu e persona aki lo ta abusando pa algun aña caba di nan.

Segun e portal, tabata 3 siman pasa cu un mucha di 8 aña di edad a haya e durf pa conta su mama kico e homber aki ta haciendo cune.  E homber ta cay den famia di nan.  Ora cu e famia mes a cuminza check rond, e ora a bin descubri cu ta en total 3 mucha di famia tambe a pasa den mesun mal experiencia cu e homber Trimon aki.  E otronan tin 11 aña y 14 aña di edad respectivamente

Como cu e ta un persona “di confianza”, el a cuminza abusa di e mucha di 8 aña di como dos aña pasa caba, cu e excusa cu e ta yuda e mucha cu huiswerk despues di scol.

E actonan inmoral aki tabata socede na e cas di Trimon mes den bario di Mabon.  Y awor numa famia a bin compronde, di con un di e muchanan aki tabata sangra tin biaha na su parti atras, y nan tabata kere cu ta problema cu tripa e tabatin.

Awor e ta encarcela, y Jeugd- en Zeden Politie tin di dune chens pa e conta su banda di medaya, pa asina rapport wordo traha, y asina Fiscal por hiba e caso dilanti Hues pa finalmente dicidi sea e ta inocente of culpable.

Pueblo a reacciona masha furioso mes riba e caso aki, indicando cu e momento a yega pa Husticia baha mas pisa riba casonan di pedofil riba e isla.  Es mas, tabatin reclamo tambe di hopi famia di e victimanan, cu autoridad a tarda demasiado pa aresta Trimon.  Finalmente e siman aki porfin Ministerio Publico a duna luz berde pa Oficialnan Hudicial ehecuta e aresto, y esaki a wordo haci na pia di trabao di e sospechoso, esta DOW.

- Advertisement -

DUNA COMENTARIO

Please enter your comment!
Please enter your name here