Home General Hues a stop welga pero no a kibra continuidad gobierno

Hues a stop welga pero no a kibra continuidad gobierno

147
0
SHARE
- Advertisement -

Huristanan ta ilustra partinan esencial di veredicto

*Corte no por kibra base legal di decision di Gabinete Eman

*Hues no por condena Aruba pa paga por ehempel mas belasting 

ORANJESTAD(AAN)–“Hues na Aruba a haya su mes confronta cu un caso cu angulonan sumamente importante. Pa comunidad ta trata aki di un caso cu ta afecta comunidad directamente ya cu duana ta na porta di Aruba. Hues sinembargo no a duna e trahadonan di duana sin mas rason. Hues a manda nan bolbe trabou pero na mes momento a tene su mes tambe na e base sagrado di continuidad di Gobierno.”

Segun huristanan cu a discuti e decision di Hues den e caso Gobierno contra Gobierno di Aruba ayera, no por bisa cu Hues a duna e welguistanan rason.

“Si nan a haya tur rason, nan por a sigui welga sin limite ya cu derecho di welga ta hancra den leynan laboral,” a wordo treci dilanti.

Hues a duna un periodo pa e dos partidonan bolbe na mesa pa un motibo serio. E trahadonan ta basa nan mes riba un acuerdo na cual gobierno Mike Eman a mara Aruba. Aunke awe tin otro gobierno, Aruba a yega na un acuerdo cu e trahadonan.

Pues si e trahadonan a haya rason sin mas, Hues lo a exigi gobierno pa paga nan y punto.

Hues a bini cu e opcion pa yega na un solucion debi na e hecho cu aki ta trata di interes di e pais. Interes nacional mester bini dilanti tambe.

E balansa di Hues, di Husticia, no por kibra e acuerdo cu gobierno Mike Eman a firma cu e duaneronan na 2017 prome cu eleccion a trece cambio den gobierno. Esaki ta hancra den e leynan di continuidad di gobierno y si kibra nan ningun acuerdo entre un persona of entidad cu gobierno lo tin balor si eleccion trece cambio.

Di otro banda mester tene na consideracion kico e efecto di e decision den e caso aki ta.

Aruba ta den un crisis y no por paga indexering na tur ambtenaar cu a base di e caso di duaneronan por exigi pa nan tur haya aumento di salario.

Esaki lo haci e crisis di Aruba pio pasobra lo mester aumenta entrada di Aruba, pues aumenta e peso di belasting pa henter pueblo incluso e trahadonan mes cu lo gana di un banda y perde di otro banda.

Den e periodo cu Hues a duna mester yega na un solucion pero tambe ta asina cu gobierno tin un sosten pa un solucion pa indexering y mas exigencia di personal di gobierno por lo pronto tambe.

Comunidad di Aruba no ta wordo perhudica pa un welga cu ta afecta comercio, biaheronan, economia y normalidad di e pais durante e tempo defini pa Hues.

- Advertisement -

DUNA COMENTARIO

Please enter your comment!
Please enter your name here