Home Deporte Hungadornan cu a briya den team di SV Tropical lo haya reconocemento

Hungadornan cu a briya den team di SV Tropical lo haya reconocemento

135
0
SHARE
- Advertisement -

ORANJESTAD (AAN): Riba e potretnan di awe, DIARIO Deportivo kier a bay bek den tempo tanto na aña 1964 y tambe 1969, ora cu e team mas famoso di distrito di Tanki Leendert, esta “Tropical” tabata haci gran logro den Futbol na Aruba.

E team di Tropical tabatin nan veld un tiki pazuid di Chalo Burger na Tanki Leendert, banda pariba di e caminda di Playa pa Tanki Leendert.

Den fin di siman venidero, e conocido Betto Dijkhoff lo organiza un actividad special unda nan lo honra e hungadornan di Tropical cu ainda ta na bida.

   TEAM DI 1964:

Pa 1964, esnan cu a hunga bala y cu a logra pa Tropical a titula Sub-Campeon di Aruba.  E tempo ey RCA a bira campeon.

Esnan cu tabata forma parti di e team na 1964 ta como lo siguiente.  Riba potret d.r.p.d. tin Chonde Dijkhoff, Toyanchi Williams, Toco Tromp, Rudy Bislik, Jossy Dijkhoff, Juan Tromp (ruman di Toco), Tommy Dijkhoff, y Pupy Diaz.

Abao gezak por mira Chicho Erasmus, Benny Brete, Angel Botta, Miguel Tromp, y Simon Danies.

Demas hungadornan cu tabata forma parti di Tropical e tempo ey y cu no ta riba e potret ta Popacito Colmenares y tambe Osberio Antersijn.

   TEAM DI 1969:

Pa 1969, e team di Tropical a sa di hiba bon bataya riba veld.  Nan a sa di bay cu e Campeon di A-Klasse, pa asina subi pa yega Hoofd-Klasse un biaha mas.

Esnan cu ainda ta na bida di e team di 1969, ta Candido Tromp, Chico Donata, Eddy Tromp, Miguel Tromp, Agusto Brete, Johnny Tromp, Basilio Jacobs, y Ruben Jacobs.

Sin duda alguno, un bunita gesto di Betto Dijkhoff pa organiza un actividad pa duna reconocemento na e gran futbolistanan di e team di SV Tropical, cu merece di tin un bon espacio den historia di Deporte di Aruba.

 

- Advertisement -

DUNA COMENTARIO

Please enter your comment!
Please enter your name here