ORANJESTAD (AAN): Diabierna 6 di September International School of Aruba a celebra 90 aña di existencia. Un cantidad grandi di studiante, empleado y mayornan a celebra, disfruta y refleha riba e logro grandi aki.
Bishitantenan a disfruta di diferente actividadnan divertido manera un workshop di baile di ArubaSalsa, un presentacion musico di Ernesto Ferro hunto cu musiconan di ISA, un brass band y un workshop di baile di Bollywood.
Poffertjes Hulandes di Pofferdorie y snacks di IslaPop FoodTrucks a duna e fiesta un ambiente inolvidable.
Pa 90 aña, ISA a crece y bira un parti importante di e educacion y bida di hopi famianan internacional y local na Aruba. E evenemento aki tabata un oportunidad inmenso pa conecta y celebra.
ISA ta un storia di studiantenan increibel, un storia di logronan grandi di pasado, presente y cu enfoke pa futuro!
ISA ta haya cu studiantenan lo impacta nos mundo door di demostra caracter y aplica habilidadnan liderazgo den tur situacion di bida.
