Home Deporte Interpaso 2019 dianan 27, 28 y 29 September

Interpaso 2019 dianan 27, 28 y 29 September

17
0
SHARE
- Advertisement -

ORANJESTAD (AAN) – Organizacion Caballista Arubano (OCA) tin e grato placer di anuncia su feria di mas grandi di aña cual ta Interpaso 2019 na Villa Floralina durante dianan 27, 28 y 29 di September 2019.

E Feria Internacional lo conta cu participacion di cabaynan di hermana Isla di Curacao tambe lo bay tin participacion di Jinetes y Amazonas nan tanto di Aruba, Curacao ,Colombia y Republica Dominicana.

E programacion ta como lo siquiente.:

Diabierna 27 di September 2019 lo cuminsa pa 6 or di atardi cu participacion di tur cabaynan (Macho y Yegua) di Trocha, Trote y Galope. Despues di competencia DJ Alvin y un DJ Invitado lo pone ambiente cu nan bon musica.

Diasabra 28 di September 2019 nos lo cuminsa pa 4 or di atardi cu tur cabayanan (Macho y Yegua) di Paso Fino.

Diasabra lo bay tin apertura oficial di nos Interpaso 2019. Despues di competencia lo tin presentacion di nos invitado especial for di Colombia Yo me Llamo Martin Elias acompania pa nos banda local “Vallenato Plus”.

Diadomingo 29 di September 2019 cuminsando for di 11’or di mainta te cu 3’or di atardi lo bay tin e famoso mercado di Santa Rosa cu su productonan local.

For di 4’or di atardi e feria ta start sali cu competencia di Jinetes y Amazonas nan. Riba e dia aki e Jinetes y Amazonas nan lo bataya fuertemente cu esun nan di Curacao, Colombia y di Republica Dominicana.

Ta invita tur amigo caballista , Pueblo di Aruba, tur mayornan , Jinetes y Amazonas nan pa asisti masalmente e fin di September aki na e Feria Internacional Interpaso 2019 unda ta bay tin bon ambiente y cabaynan y Jinete y Amazona nan di hopi calidad. Bar y cushina tambe lo ta bon surti na gusto di un y tur.

Pa e muchanan ta bay tin un kids corner cu popcorn y cotton candy.

No laga nan contabo con dushi e ambiente tabata, bin presensia pabo mes y forma parti di Interpaso 2019.

- Advertisement -

DUNA COMENTARIO

Please enter your comment!
Please enter your name here