Home General Investigacion 1.6 Biyon Bo Aruba por rementa AVP

Investigacion 1.6 Biyon Bo Aruba por rementa AVP

3018
0
SHARE
- Advertisement -

DIARIO cu tur prueba oficial contra mayoria absoluto AVP

*Adelanta eleccion ta scapa Mike di resultado investigacion Citgo

*Prizon por bira resultado di kiebra di leynan financiero

ORANJESTAD(AAN)–Den su discurso nacional personal Mike Eman cu ta nenga di drenta Parlamento, a manipula cu informacion oficial di e pais Aruba y cu conseho cu di organo di supervision di Reino, Caft. Informacionnan cu DIARIO a ricibi ayera ta mustra cu AVP kier forsa un eleccion awor pa dos motibo.

Mike Eman no por drenta Parlamento sin perde cara actualmente. Na mes momento tin dos investigacion pisa contra gobierno di AVP cu no por confronta Aruba ora berdad sali na cla.

“Rapportnan oficial a condena Gobierno di AVP pa e forma cu nan a gasta placa di Aruba.  E mayoria di AVP den Parlamento ta wordo considera den rapportnan como e sosten grandi cu gobierno Mike Eman a ricibi pa actua contra ley,” a wordo indica na DIARIO.

E desaroyonan actual na Aruba lo ta continuacion di e manifestacion di Januari, segun informantenan cu a recorda DIARIO cu despues di eleccion 2017 Mike Eman a duna di conoce cu e lo retira.

Mike Eman a bisa cu e ta sigui e mensahe cu el a ricibi di pueblo na urna electoral y ta entrega liderazgo di AVP y no ta drenta partido.

“Mike Eman tabata sa kico e ta laga atras. Tur rapport oficial ta mustra riba un desastre financiero, economico, social pero tambe riba e forma cu e mayoria absoluto di AVP cu a sostene gabinete Eman, no a cumpli cu su tarea di defende interes di pueblo pero a laga gobierno Eman haci loke e kier cu placa di pueblo,” a wordo mustra na DIARIO cu tin tur prueba pa e acusacionnan aki.

Leynan basico di Aruba a wordo kibra ora den e proyecto Bo Aruba a haci y deshaci cu placa di Aruba contra tur ley, cu conoce castigo di prizon pa abuso di placa di pueblo.

“E rapport Bo Aruba cu ta mustra kico a haci cu un fondo di 1.6 Biyon, ta papia palabra cla,” informantenan a bisa. E rapport a wordo traha na forma independiente y sin ningun interferencia politico dor di e tribunal di cuenta di Aruba, Algemene Rekenkamer Aruba.

Cualkier momento Ministerio Publico mester anuncia kico ta pasa cu investigacion a base di resultado di nan revision di e acusacionnan serio haci dor di instancia oficial encarga cu vigilancia financiero saludabel di e pais y e forma cu ta respeta e leynan pa gasta placa di e pais.

Awor e asuntonan den Refineria di Aruba acopla na proyecto Citgo tambe ta bini dilanti. Un bom total lo ta rementa den man di Mike Eman cu no por bolbe Parlamento sin perde su cara.

“El a bolbe como lider di su partido cu awor ta sinti e peso di su presencia despues cu a salude cu brassband. Den e ultimo encuentro di e partido, por a nota e crisis cu e partido conoce,” a wordo bisa dor di informantenan cu a mustra cu AVP no por spera 2021 pa un proximo eleccion.

E partido ta abusa di e problemanan cu el a crea pa causa caos na Aruba den e speransa cu lo bini eleccion. “Mike Eman no sa kico haci sin poder. E ta biba cu e pensamento cu e mester ta na mando,” a wordo indica.

Aruba ta pasa den problema serio riba tereno politico mientras e pais mester enfrenta Hulanda e siman aki.

DIARIO ta keda pendiente pa mas informacion.

- Advertisement -

DUNA COMENTARIO

Please enter your comment!
Please enter your name here