Home Deporte Keeper suplente di e seleccion di Corsow a fayece na Haiti

Keeper suplente di e seleccion di Corsow a fayece na Haiti

687
0
SHARE
- Advertisement -

El a haya atake di curazon

ORANJESTAD (AAN):  Corsow ta di luto. E noticia tristo a drenta na mesa di redaccion indicando cu e portero suplente di Corsow, Jarzihno Pieter a bira malo y a fayece na Haiti dialuna.

DIARIO a haya informacion cu Jarzinho Pieter, keeper di e seleccion di Corsow a haya un atake di curazon y a fayece di forma repentino.  E informe aki a keda confirma door di e minister di deporte di Corsow, Edwin Charles.

E futbolista a fayece den Marriott Hotel na na  Port-Au-Prince unda e seleccion tabata concentra.  E team lo mester a hunga awe  diamars contra Haiti, den un wega di e di dos hornada di e Liga di  Nacionnan di Concacaf. Den e debut den e Liga di Nacionnan, Corsow a derota Haiti 1-0 a den un partido disputa diasabra ultimo na Willemstad.

Despues di e anuncio, por a ripara ariba social media un sin fin di expresionnan di tristeza y lamento pa e perdida di Jarzihno.

Por a compronde cu dos siman pasa ainda Pieter tabata na Aruba cu su team SV Vesta den e Copa ABC 2019 y a hunga contra di Nacional.

Jarzihno Pieter tabata un  pieza clave den su team. El a fayece na un edad basta jong di 31 aña. El a nace dia 11 di November 1987.

Importancia di haci ECG Test

Un sugerencia importante por ta esun di haci test di curazon, electrocardiogram (ECG Test) na e deportistanan, den cualkier disciplina prome cu bay den un campeonato of ora di viaha bay competi den exterior. Tin casonan caminda  e deportista ta mustra bon di salud di pafo, pero por ta presion of curazon por ta fayando.

Esey lo yuda preveni esfuerzonan di salud innecesario y ta hasta scapa bida di algun atleta.

DIARIO kier expresa palabranan di condolencia na famia, conocirnan di compañeronan di su team.

- Advertisement -

DUNA COMENTARIO

Please enter your comment!
Please enter your name here