Home Gobierno Klachtencommissie lo evalua kehonan di detenido

Klachtencommissie lo evalua kehonan di detenido

56
0
SHARE
- Advertisement -

Minister di Husticia Andin Bikker 

ORANJESTAD (AAN): E personal di Guarda nos Costa ta consisti di 38 persona y Minister Bikker a percura pa nan haya uniform nobo despues di basta aña y ta den proceso pa ordo uniform adicional.

Fuera di unforme trahadonan a haya algun ekipo di trabao despues di ocho aña cu nada no a wordo haci pa nan y tur esaki den cuadro di optimalisa e servicio.  Actualmente departamento di Recurso Humano ta haciendo un ‘quick scan’ debi cu Guarda nos Costa no ta un dienst riba su mes pero ta un departamento di KPA.

E ‘quick scan’ aki, ta parti di e proceso pa haci GNC un departamento riba su mes y ta spera cu den e proximo simannan lo e keda cla. Mirando cu tin un cantidad di personal kier aplica pa e curso di  ‘Buitengewoon agent van politie’ (BOA) nan lo pasa proximamente un screening cu ta un di e condicionnan pa wordo acepta.

Minister Bikker dialuna durante conferencia di prensa a anuncia cu e ta bay introduci un ‘Klachtencommissie” cual ta basa riba un ley di 2016 cu e ex Minister di Husticia no a lag’e drenta na vigor.

Minister Bikker kier introduci e ley aki pa ora tin persona deteni na KIA tin cierto keho, e ‘Klachtencommissie’, cu ta consisti di un Hues, Officier van Justitie y otro functionarionan, por duna atencion na e kehonan pa mira si nan tin merito of no.

Awor cu e situacion di Venezuela a bin, ta nota cu personanan cu a keda deporta ta duna entrevista na cura di waya di Guarda nos Costa acusando funcionarionan di no ta haci nan trabow.

E entrevistanan aki hopi biaha ta acusa e trahadonan di tur sorto di cos y ta solamente e declaracion ey so ta wordo publica. Pero si tin un ‘klachtencommissie’ lo por investiga si di berdad e kehonan aki tin merito. Un par di luna pasa a bin keho di detenidonan riba e calidad di cuminda djis pa suspendi nan detencion y haya solamente meldplicht.

Pais Aruba a contrata un compania cu ta haci catering pa provee e cuminda pa e personanan deteni na Guarda nos Costa y e cuenta di core bay bisa cu e cuminda no ta bon, ta engaño pa purba converti nan detencion den meldplicht.

Cu institucion di e comision aki lo por garantisa cu tur keho cu drenta lo wordo atendi debidamente y alabes evalua si nan tin merito of no.

- Advertisement -

DUNA COMENTARIO

Please enter your comment!
Please enter your name here