ORANJESTAD (AAN): Dialuna mainta na DIARIO a presenta un ciudadano. El a bin cu un Laptop Computer color preto
E ciudadano a bisa cu el a haya e Laptop Computer aki poni bao palo na Bushiri.
Segun e ciudadano, Diasabra den careda di 11:45’or di mainta na altura di “Green Ocean Supermarket” situa na Bushiri, el a mira un envelop grandi, y den dje tabatin e Laptop Computer.
DIARIO a cende e computer, y e Log-in Screen di e computer tin e Username: Lloyd Jean Baptiste.
E doño por acudi na DIARIO cu su cedula y comprobante cu e Laptop ta pertenece na dje, pues e mester identifica e marca di computer, y despues cende esaki y pone su password pa drenta e Operating System, comprobando asina cu e ta di dje, pa asina haya esaki bek.
E por acudi na DIARIO den Engelandstraat na Eagle solamente durante oranan di oficina, di Dialuna te Diabierna di 8:00 am te cu 5:00 pm.
