Ley di Serlimar lo saca Ecotech for di mercado y lo bira imposibel competi cu gobierno

    570
    0
    SHARE
    - Advertisement -

    William Wever, vocero di MetaCorp

    *”Nos no ta contra di e ‘sugar tax’ pero si contra e forma cu kier implement’e”

    ORANJESTAD (AAN):  William Wever, vocero di MetaCorp y di e trahadonan a expresa durante e entrega di e manifesto cu Ecotech ta existi prome cu Serlimar desde aña 1985 y ta e pionero den reciclahe na Aruba. Nan a haci inversionnan cuantioso pa recoge desperdicio di nan clientenan comercial y residencial, a remarca.

    E ley di Serlimar lo afecta e mas di 6 mil cliente residencial cu ta representa 20% di e mercado local y cu lo bay paga casi dobel di e clientenan cu opta pa keda cu Serlimar, e vocero di MetaCorp a indica.

    Cu esaki lo saca e compania for di mercado y lo bira casi imposibel pa competi cu gobierno subsidiando un compania publico. E cambio di ley lo wordo trata dia 23 di September.

    Ecogas: Gobierno pa medio di un cambio di ley lo obliga tur compania cu ta recoge desperdicio. Sea residencial of comercial pa entrega tur na planta di Serlimar cu lo mester bin ainda.

    Ecogas a haci inversionnan grandi den un planta unico den region y despues di un aña caba ta procesando mayoria di e sushi di Aruba, no tin chens den e proceso aki. Te hasta a presenta un solucion cu ta mas miho pa medio ambiente y cu no ta costa mas di loke ta pagando awor, esta pa exporta e productonan procesa pa uza como combustibel den un forno na Colombia, a bisa. “Pero gobierno no kier duna nos atencion”.

    Pa loke ta Tropical Bottling Company, Wever a expresa cu den e forma fiscal di gobierno ta planea pa introduci un ‘sugar tax’ cu lo percura pa un aumento grandi di e prijsnan di refresco. Cu esey gobierno ta pensa di reduci e consumo di refresco na Aruba.

    “Nos no ta contra di e ‘sugar tax’ pero si contra e forma cu kier implement’e, esta hopi discriminatorio”. Cu e ley manera e ta consumo di tur refresco lo baha cu e consecuencia cu e unico planta di produci refresco na Aruba lo haye cu retonan inevitabel pa su existencia, a remarca.

    Segun Wever, nan ta mira Parlamento como nan unico salvacion awor. Nan peticion ta pa Presidente di Parlamento considera pa wanta e reunionnan aki y duna nan oportunidad pa nan expresa nan preocupacionnan rond di e cambionan di ley aki.

    - Advertisement -

    DUNA COMENTARIO

    Please enter your comment!
    Please enter your name here