ORANJESTAD (AAN): Ling & Sons tin mas di 50 aña brindando Aruba e miho calidad, servicio y innovacion y nan tabata hopi satisfecho di por a presenta nan evento unico dedica completamente riba ultimo tendencianan den industria gastronomico, e Ling & Sons Food Show 2019, cu a tuma lugar na Marriott Grand Ballroom. Ademas di un experencia unico Ling & Sons a regala 6 tickets pa Miami pa un viahe culinario.
Ling & Sons Food Show 2019 ta un evento culinario na unda Ling & Sons IGA Supercenter a invita tur foodlovers! Esnan di ta den food business, manera hotels, restaurants, retailers, event planners, catering, chefs y otro negoshinan of simplemente un aficionado di cuminda y productonan gourmet, esaki sigur tabata un evento perfecto pa nan, pa asina conoce e productonan mas nobo riba mercado y disponibel na Ling & Sons. Marcanan exclusivo for di diferente parti di mundo cu prijsnan sumamente atractivo.
Durante e food show aki, Ling & Sons su division di benta por major (wholesale) Ling & Sons Distributions a presenta un variedad grandi di fruta y berdura, linea exclusivonan di entre otro, seafood, variedad grandi di tapas & keshi international di carni, bakery y hopi otro marcanan renombra.
