Home Gobierno Marisol Lopez-Tromp lo reemplaza Minister Otmar Oduber

Marisol Lopez-Tromp lo reemplaza Minister Otmar Oduber

170
0
SHARE
- Advertisement -

“Ministerio di Infrastructura, Medio Ambiente y Desaroyo Teritorial ta keda den bon man!”

ORANJESTAD (AAN) –Minister di Infrastructura, Medio Ambiente y Desaroyo Teritorial, a trece dilanti den conferencia di prensa, cu e ta un persona cu semper cu e bisa algo e ta para su tras, y semper cu e ta pone un pensamento su dilanti e ta percura pa tur hende rond di dje, na su bureau, su staf, su famia, su amistadnan y hasta su contrincantenan inculca e amor grandi cu nan tin pa Aruba.

“22 aña pasa, 12 di December 1997, mi a bay e prome eleccion y e tempo ey como candidato di hubentud mi a bisa cu un politico no mester bira dinosaurio den politica. Bo mester ta den politica mientras bo por contribui y sinti cu bo tin un vision pa futuro y no djis ora bo ta sinta como minister. Hopi biaha ora un minister ta carga su responsabilidad como mandatario ta pa bo tin un vision y cu bo kier yega un caminda cu ta mas leu cu e periodo cu bo tin, pa por mira e mihor di bo pais, e bienestar di bo pais y awe mi ta mira despues di 25 aña trahando den gobierno y 22 aña como politico activo, mi ta net na grens pa bira un dinosaurio. Mi ta bin bek na e palabra aki y mi ta kere cu ta e momento corecto pa mi mes, pa e decision personal cu ta tuma awe”, Minister Otmar Oduber a reitera.

Como un persona y politico responsable, e ta tuma e periodo aki te 12 di December pa termina su proyectonan y despues, e ta traspasa oficialmente su cargo pa drs. Marisol Lopez-Tromp, colega di partido pasobra e ta convenci cu e ta keda den bon man tambe, door di e experiencia di trabao cu e tambe a desplega den pasado, y sigur cu e team cu a traha cune e ultimo dos añanan, sin duda lo contribui pa continua cu e trabaonan grandi cu tin realiza riba e tereno di infrastructura y tambe a bin acerca algo cu nunca antes tabata den discusion, cu ta nos medio ambiente: Aruba su flora y su fauna.

E ta sigur cu drs. Marisol Lopez-Tromp den e espacio cu e mes lo crea pa desplega su funcion e lo duna continuidad na e maneho di medio ambiente. “E mes a introduci ROP 11 aña pasa, y mi ta laga atras un ROP pa e sigui traha riba dje, y logra un ROPV manera nos tine”, e dignatario a indica.

 

- Advertisement -

DUNA COMENTARIO

Please enter your comment!
Please enter your name here