ORANJESTAD (AAN): Hulanda ta manda mas astistensia militar na Caribe pa yuda cu e emergensia na Bahamas.
Den fin di siman, 84 mariniers a sali for di Base Aereo di Eindhoven na Hulanda den un avion di transporte KCD-10 di Koninklijke Luchtmacht cu destino St. Maarten.
Nan ta forma parti di 21st Raiding Squadron di Corps Mariniers. Esey ta un squadron den Marine Spearhead Task Unit, un grupo dedica pa asisti cu emergencianan den Hulanda y tambe den exterior.
Ora nan yega St. Maarten, nan lo subi e barco Zr.Ms. Johan de Witt pa bay Barbados.
Hulanda tin dos barco di Marina cu ta prepara pa asisti einan. E otro ta Zr.Mr. Snellius.
DIARIO a compronde, cu e ora en total Hulanda lo tin 550 militar pa duna asistencia na Barbados. Nan ta bini for di marine, landmacht, luchtmacht, y marechaussee.
Ademas di esey, tin 50 militar Frances en 50 militar Aleman a bordo di Zr.Ms. Johan de Witt. Nan tabata eynan caba pa train hunto cu Hulanda den un ehercisio militar den Caribe, pero cu e catastofe cu ta pasando na Barbados e ehercisio a stop y nan a ofrese asistensia.
Zr.Ms. Johan de Witt ta un barco di transporte amfibico. E por funciona como waf, aeropuerto y shelter na mesun momento. E tin lugar pa vehiculonan y paketenan di emergencia, y un dok interno cu botonan chikito por drenta den y sali for di dje for di awa.
Tambe tin 2 helicopter Cougar di Defensie Helicopter Commando y un unit di mariniers cu 2 botonan FRISC, 4 botonan di tipo landingsvaartuig, y 2 teamnan specializa di scuba divers. E militairnan di landmacht ta mediconan y specialistanan den engineering y cooperashon civil-militair.
Zr.Ms. Snellius ta un barcu hidrografico cu aparatonan sonar. Nan por wak bao di awa si tin opstaculonan den e wafnan di Barbados cu ta peligroso pa e barconan cu ta trece paketenan di emergencia of evacua hende for di a lugar di e desastre.
