Home General Mas di 400 cacho lo wordo steriliza den e dianan aki

Mas di 400 cacho lo wordo steriliza den e dianan aki

628
0
SHARE
- Advertisement -

Dr. Maritza Ordoñez di DVG:

ORANJESTAD (AAN):  Den e dianan aki ta tumando lugar un accion di sterilizacion di cacho y pushi organiza door di United Dogs Aruba y relaciona cu esaki Dr. Maritza Ordoñez di Departamento di Salud a splica cu esaki ta un proyecto cu DVG ta apoyando pa tres aña caba.

El a cuminza dia 17 y lo dura te dia 21 di September y ta conta cu e sosten di boluntarionan di varios fundacion como tambe personanan individual.

El a remarca cu tur cacho cu por mira na e lugar tabata tin un doño, pero pa algun motibo y te hasta pa maldad of crueldad e bestianan a wordo laga ariba caya pa nan cuenta.

E proyecto tin como meta steriliza mas di 400 bestia. E ley di cacho tey y mester ehecut’e. a indica.

Na dado momento Polis mester cuminza actua ariba esaki y duna boet. Ora di haya boet un hende lo haya ‘dolor’ ariba esey. Ta un tristeza wak yen pushi y cacho chikito bandona y laga pa nan suerte.

Aworaki tin varios boluntario y e biaha aki ta kedando mas integra, cu un plan mihor hinca den otro. Tin apoyo di Prome Minister, di Minister di Salud, Minister di Husticia y DVG, a señala.

Kier pa e asunto aki wordo ataca di otro manera y no cu cada biaha, tur aña ta bin tene e campaña di sterilizacion, pero despues e bestianan ta bay bek ariba caya. Esey tampoco ta e solucion, a remarca.

Dr. Ordoñez a sigui bisa cu aworaki ta pidi tur persona cu tin un cacho of un pushi pa haci uso di e oportunidad di adopta y steriliza un bestia sin hogar.

E problematica aki di cacho y bestia di caya por trece malesa pa un bario. Un cacho cu no ta come y no tin cuido ta probabel cu e lo haya malesa di cuero. E cacho ey lo bay otro caminda  y lo pasa e malesa pa otro cacho.  E ta bira un problema di salud publico, a laga sa.

Mercedes de Bruyn di United Dogs Aruba tambe laga sa cu tin e problematica aki di cacho y pushi na Aruba y a bira un prioridad pa haci e campañanan aki di sterilizacion.

- Advertisement -

DUNA COMENTARIO

Please enter your comment!
Please enter your name here