Home Gobierno MetaCorp ta mal informa e trahadornan como sifuera cu e ley di...

MetaCorp ta mal informa e trahadornan como sifuera cu e ley di Serlimar lo por ocasiona cu Ecogas y Ecotech lo tin cu bay cera nan porta

181
0
SHARE
- Advertisement -

Minister Oduber:

ORANJESTAD (AAN):  Durante su reaccion pa loke ta e carta emiti door di e compania MetaCorp, Minister Otmar Oduber a trece varios aspecto dilanti y a referi ampliamente na cada un di nan.

El a indica cu a base di e preocupacionnan cu tabata tin y e rapport di PAHO na cuminzamento di aña 2018, gobierno a reuni cu MetaCorp pa loke ta trata Ecogas cu e tempo ey tabata haci depositonan ilegal na Moko y cu esaki a wordo para.

A mustra e compania cu no tabata corecto loke tabata tumando lugar.

Den combersacionnan cu e compania, a remarca a yega na solucionnan caminda te hasta na cierto momento, Serlimar a yega na un acuerdo caminda cu te hasta e sushi, den un fase transitorio conforme e Task Force cu a wordo instala na nivel nacional y cu a bisa cu mester cera Parkietenbos mirando e raport di PAHO y prome cu yega na un alternativa duradero pa e maneho di desperdicio di sushi.

Segun Oduber, e mes, den varios reunion di deliberacion cu MetaCorp a yega na un acuerdo caminda cu awe Serlimar ta paga MetaCorp un suma di casi 4 miyon florin pa aña pa por hinca e sushinan aki den bales y dera nan na Sero Tijshi.

E momento ey mester a scoge pa atende cu e asunto di salubridad, pero awe ainda ta mira e consecuencia di esaki.

E mandatario a referi na e situacion na Moko unda tabata tin dump ilegal. El a agrega cu siman pasa ainda el a haya un carta di e asociacion di e casnan rond di Moko y becindario. Despues di casi 7 luna cu a para e actividadnan y por wak cuanto huma cu gas ta saliendo keto bay na Moko pa motibo di e deramento ilegal cu a tuma lugar den e caso aki di bales sin cu a tapa esakinan of pone tubo pa gas por sali.

Cu esaki a mustra cu esaki no ta e solucion tampoco. A yega na un acuerdo pa un forma transitorio. Na Sero Tijshi esaki ta mas controla.

E siman aki pa motibo di e kehonan cu tabata tin di e barionan unda tin gas, malo holor y ta cobando ainda pa pone tres tubo pa evita cu e gas ta sali y bira dañino. Un reunion pa splica e bisiñanan lo mester tuma lugar awe diaranzon pa duna nan informacion di e proceso cu ta andando, a bisa.

Kiermen, esaki tabata e di tres momento cu e mandatario a sinta cu MetaCorp pa yega na acuerdonan durante e ultimo 18 luna, mustrando nan e respet grandi cu e tin pa e compania.

El a remarca cu ora e bisa no na algo eynan e problema ta cuminza y ta saca carta y diripiente ta cuminza ataca e minister.

Otmar Oduber a señala cu den e carta aki cu MetaCorp a emiti nan ta mal informa e trahadornan como sifuera cu e ley di Serlimar lo por tin como consecuencia cu Ecogas y Ecotech lo por ta cera nan porta pa motibo di e ley aki.

E minister ta lamenta esaki ya cu e tin hopi respet pa un famia cu tin un compania cu tin hopi aña na Aruba y cu ta haci hopi proyecto bon y cu pesey a duna nan e sosten caminda cu mester a duna nan sosten.

“No por ta asina cu ta bisa un biaha no y e ora ey bo ta bira e ser di mas despreciabel of e persona cu por tin e consecuencianan asina negativo cu bo tin cu atak’e di e forma cu e ta wordo ataca”, Minister Oduber a manifesta.

 

 

- Advertisement -

DUNA COMENTARIO

Please enter your comment!
Please enter your name here