Home Hudicial Miembro di seguridad di CEA sospecha di a abusa di su yiu...

Miembro di seguridad di CEA sospecha di a abusa di su yiu y un otro mucha ta keda declara liber

249
0
SHARE
- Advertisement -

Fayo di Fiscal a pone cu no tabatin apelacion

ORANJESTAD (AAN): Manera DIARIO a publica, Dialuna mainta den sala di Corte di Husticia, mester a tuma lugar e apelacion di Fiscal contra e sentencia di Corte den Promer Instancia cu a declara F. liber di e acusacionnan cu Fiscal a presenta.

Fiscal no tabata di acuerdo cu Hues di Corte den Promer Instancia a declara F. liber. Fiscal mes a exigi 4 aña di prison.

   CASO NO A SIGUI:

Dialuna mainta DIARIO a compronde cu e caso di apelacion cu tabata planea pa tuma lugar 9.15’or di mainta, ni ta aparece riba e rol di e casonan cu a tuma lugar.

Investigacion cu DIARIO a haci a compronde cu e caso no ta sigui pasobra Fiscal tabata laat cu e procedura di apelacion. Esey ta nifica cu no tin caso di apelacion y e sentencia ta keda cu F. ta liber di tur e acusacionnan cu Fiscal a presenta contra dje den Corte.

Na April 2019, Hues a dicta sentencia caminda contrario cu Fiscal, Hues no ta haya legalmente y convicente proba cu F. a abusa di e muchanan, manera Fiscal ta acusando. Hues a bisa cu for di e investigacion por mira cu tur e declaracionnan ta bin di e mesun fuente o sea e dos muchanan. A base di ley mester tin prueba di sosten y Hues ta haya cu Fiscal no a presenta pruebanan di sosten. Hues a declara F. liber y a duna orden pa e worde poni den libertad e mesun dia.

Awor cu e caso di apelacion no ta sigui, e sentencia ta keda cu F. ta liber di tur e acusacionnan di Ministerio Publico.

 

- Advertisement -

DUNA COMENTARIO

Please enter your comment!
Please enter your name here