Home Politica Mike Eman ta dicidi ken por drenta Parlamento pa AVP

Mike Eman ta dicidi ken por drenta Parlamento pa AVP

220
0
SHARE
- Advertisement -

A menos cu el a firma cu e no ta drenta prome cu eleccion

*Cualkier cambio den fraccion AVP mester di su aprobacion 

ORANJESTAD(AAN)–“Mike Eman no ta den Parlamento. Sinembargo cualkier persona cu retira for di fraccion di AVP, ta habri porta pa Mike Eman drenta. Ta Mike Eman ta keda para na porta di e fraccion di AVP den Parlamento di Aruba.”

Informantenan di DIARIO a mustra riba e situacion cu a presenta su mes ora den e ultimo simannan bosnan a lanta pa Richard Arends bandona Parlamento di Aruba a base di e contracto cu el a firma na 2016 pa bira director di Refineria di Aruba y pa cual Mike de Meza a yega na un areglo pa e tempo cu e ta Ministro y Miembro di Parlamento.

Si Richard Arends a bandona Parlamento, esaki lo a haci cu atrobe Mike Eman mester a firma cu e no ta drenta Parlamento pa asina otro candidato di AVP por drenta.

Mike Eman a keda eligi pa henter e periodo di gobernacion como miembro di Parlamento y e ta e unico persona cu por dicidi cu e no ta ocupa e asiento den Parlamento.

E unico forma cu e areglo aki ta perde balor ta cu si e dicidi cu durante henter e periodo pa proximo eleccion e no ta drenta Parlamento, loke e ora e mester anuncia publicamente.

“Den mundo politico hopi bes ta uza un persona cu manera Mike Eman por drenta Parlamento pero ta keda pafo pa evita cu cualkier desaroyo negativo den e partido por resulta den entrada di un persona cu no ta cumbini e partido,” a wordo mustra na DIARIO.

Esaki pues ta encera, cu e decision kende ta drenta Parlamento pa AVP te na momento di eleccion nobo, ta depende di cooperacion di Mike Eman cu mester firma cu e ta bay di acuerdo pa cualkier persona ocupa e asiento pa cual el a wordo elici.

- Advertisement -

DUNA COMENTARIO

Please enter your comment!
Please enter your name here