Home General Militarnan Hulandes a finaliza nan trabao di yudanza na Bahamas

Militarnan Hulandes a finaliza nan trabao di yudanza na Bahamas

85
0
SHARE
- Advertisement -

ORANJESTAD (AAN): Despues di a haya e prome asistencia diez dia cu Horcan Dorian a pasa, e islanan di Bahamas awor ta sigui riba nan mes pa reconstrui nan pais.  E yudanza di emergencia cu militarnan Hulandes, Frances y Aleman suministra asina a yega un fin.

Diaranzon mes debi cu condicionnan di tempo tabata deteriorando, e militarnan a cuminza na regresa nan equiponan pa e barco Zr.Ms. Johan de Witt for di isla di Abaco.  E barco Zr.Ms. Snellius a sali mas prome rumbo pa Curaçao.

Den ultimo simannan, como 550 militar Hulandes, 50 Aleman, y 50 Frances a traha cu alma y cuerpo, dunando yudanza di emergencia y a suministra materialnan di necesidad na habitantenan di Abaco, cu a wordo azota door di Horcan Dorian.

Majoor der Mariniers Dennis Borst a papia cu su soldatnan: “Nos ta bay finaliza nos trabao.  Nos a haci y logra masha hopi.”

Den apenas par di dia, nan a produci hopi resultado.  Militarnan a construi un brug cu a conecta e parti nort y zuid di e isla.  Waf a wordo completamente haci limpi.  Hospital a haya coriente y awa potable.  Personal di Hospital a haya asistencia di militarnan medico pa por a para bek riba nan pia despues di e tormenta.  Nan a haci camindanan liber.  Esey a pone cu por a cuminza traha bek na e reconstruccion.

“Hendenan aki mes a cuminza reconstrui nan pais bek.  Nos yudanza di emergencia no ta necesario mas, pues nos por bay,” el a bisa.

   TRABAO CU LO SIGUI:

Esaki no a nifica cu e militarnan a djis lanta bela bay.  Durante e mision, militarnan di marina, forza aereo, ehercito, y marechaussee a traha hopi estrecho cu autoridadnan local y organizacionnan di ayudo.  “Nos a traha enormemente hopi e ultimo dianan.  Mi ta realmente haya e sentimento cu awor Gobierno ta ‘den control” riba e situacion na Abaco,” segun capitan Roland van den Akker, kende ta di e Civiel Militair Interactie Commando.  E ta fungi como e persona principal den e ‘Emergency Operations Centre” unda Gobierno local, personal di ayudanza, y ehercito tabata coordina nan actividadnan.  “Como militar nos lo bay laga algo bon atras, unda autoridadnan local y pueblo di Abaco por sigui reconstrui nan mes.”

   CIRCUMSTANCIANAN:

Horcan Humberto cu tambe a pasa eybanda e siman aki como Tormenta Tropical, a bira un reto pa por a trece tur militar y vehiculo bek pa e barco Johan de Witt.

E Horcan awor ta den area di Bermuda, pero a percura pa lama bruto rond di Bahamas.  Den e dianan cu a pasa, hopi truck y vehiculo a wordo baha for di barco pa asina presta asistencia.  E vehiculonan aki despues di mision tin di bay bek na Zr.Ms. Johan de Witt.  E transporte aki tabata socede cu botonan special cu ta ‘land’ na beach of waf.  Pero e lama bruto a dificulta e trabao ey.

Pesey e barco Zr.Ms. Snellius a traha mapa bao lama na parti zuid di Abaco.  Esey cu e meta pa haya un lugar mas sigur unda e botonan di ‘land’ aki por yega pa subi of baha material.

Pa tal motibo a dura te Diaranzon pa por a cuminza cu subi militar y materialnan bek abordo di e barco.

 

- Advertisement -

DUNA COMENTARIO

Please enter your comment!
Please enter your name here