Home General Militarnan Hulandes a yega na Bahamas

Militarnan Hulandes a yega na Bahamas

71
0
SHARE
- Advertisement -

ORANJESTAD (AAN): Un informe emiti pa Ministerio di Defensa na Den Haag, ta indica cu como 550 militar Hulandes a yega na Bahamas.  Nan ta dunando asistencia na habitantenan di e isla di Abaco, cu ta un di e islanan cu a wordo afecta masha duro mes door di Horcan Dorian.

E barco di marina Zr.Ms. Snellius a yega banda di 7’or di mainta den e area afecta.  E otro barco Zr.Ms. Johan de Witt a yega banda di 4’or di atardi.

E prome prioridad ta pa documenta e situacion riba e isla.  Pesey mes prome cu e barco a yega, via di Helicopter a manda algun militar adelanta pa asina bishita e Hospital y Waf riba e isla di Abaco.  Tambe nan a sinta reuni na mesa cu autoridadnan local y e organizacionnan internacional di yudanza, pa asina dicidi unda tin mas urgencia pa haya yudanza.

E prome dia ta uno cu ta bay dedica na coordina e yudanza, segun Commandeur Ad van de Sande a laga sa di e mision.  E prome militarnan cu a yega na Bahamas ta tuma inventario di loke e pueblo tin mas mester di dje.  Despues ta bay cuminza haci peparacion pa por baha e material di yudanza na tera.  Y esey ta loke nan ta bay haci e siguiente dianan.

Ministerio di Defensa a pone 550 militar Hulandes di Marina, Forza Aereo, Ehercito, y Marechaussee pa “Disaster Relief Bahamas”.  Tambe como 50 militar Frances y 50 militar Aleman a yega cu avion pa asina coopera cu e mision.

Ademas cu a pone personal y material na disponibilidad pa yuda, e barco Zr.Ms. Johan de Witt ta sirbi como barco di transporte amfibico pa baha carga na tera usando botonan special.

E barco Zr.Ms. Snellius cu aparato special pa check bao awa, por pone riba mapa cualkier obheto cu por ta blokeando wafnan na Abaco y asina por yuda haci e acceso facil atrobe.

Abordo di e barconan Hulandes tin e.o. vehiculonan pa asina mobiliza material di necesidad riba e isla, tambe material pa construccion di materialnan urgente, y paletnan cu awa y cuminda.

Como cu tin Helicopter Cougars di Forza Aereo tambe abordo, nan por saca potret tambe di e isla for di halto.  Tambe e helicopter di transporte por wordo usa pa trece material di yudanza pa e isla.

Militarnan Hulandes ta dunando un man aki riba peticion di Gobierno di Bahamas.  E coordinacion di e operacion di rescate ta den man di Caribbean Disaster Emergency Management Agency (CDEMA), y tambe International Red Cross.

 

- Advertisement -

DUNA COMENTARIO

Please enter your comment!
Please enter your name here