Home Gobierno Minister Lampe y Minister Presidente lo atende e di 74 Conferencia General...

Minister Lampe y Minister Presidente lo atende e di 74 Conferencia General di ONU

18
0
SHARE
- Advertisement -

Nan ta preparando biahe pa Merca:

ORANJESTAD (AAN) – Minister di Enseñanza, Ciencia y Desaroyo Sostenible, Rudy Lampe, a informa den conferencia di prensa Diahuebs, tocante su biahe pa Merca, hunto cu Minister Presidente, unda lo atende e di 74 Conferencia General di Nacionnan Uni (ONU).

Den e contexto aki e mandatario a comenta cu e calor cu tin nos comunidad afecta, ta debi na e cambio climatico cu nos planeta ta pasando den dje, y awe ta cuminza tambe un Climate Summit na Nacionnan Uni relaciona cu e calentamento global.

E dignatario a subraya cu actualmente e hubentud ta protestando y exigiendo di e lidernan gobernante pa tuma na serio e hecho, cu enberdad e calentamento global por pone na peligro nan futuro sobrevivencia.

P’esey por mira cu e hobennan rond mundo y tambe na New York ta protesta, y nan lo ta presente den e conferencia pa apela na e lidernan mundial pa tuma accion.

E hobennan aki aworaki ta den edad di 13-14 aña y nos como adulto, no por ta egoista. E mandatario a expresa cu e adultonan di awendia a disfruta di e mundo aki cu Dios a duna nos, y nos tin cu laga pa nan tambe un miho futuro.

E mandatario a subraya cu manera e mundo ta bay aworaki cu e calentamento global e sobrevivencia di nos generacionnan nobo ta na peligro y si nan ta exigi di e gobernantenan pa nan tin un futuro mescos cu esnan prome cu nan a disfruta di nos planeta.

 

 

- Advertisement -

DUNA COMENTARIO

Please enter your comment!
Please enter your name here