Home Gobierno Minister Otmar Oduber ta retira

Minister Otmar Oduber ta retira

7639
0
SHARE
- Advertisement -

Proyectonan cu el a inicia lo haya continuacion den partido

ORANJESTAD(AAN)–Informacionnan cu DIARIO a ricibi ayera ta mustra cu Minister Otmar Oduber ta retira.

E informacion a drenta como un sorpresa grandi na momento di dos logro di e ministro cu ta e proyecto hotelero y e proyectonan pa yega na solucion pa problemanan serio pa deshaci di sushi na Aruba.

Den su intentonan pa haya mas informacion riba e retiro di e Ministro cu sigur riba tereno di turismo a haci hopi na Aruba, DIARIO a comprende cu Ministro Otmar Oduber kier bay dedica su mes mas tanto awor na su yiunan, pues su seno familiar.

E trabounan cu el a desplega den politica a bay a costo di tempo valioso cu un tata ta pasa cu su yiunan.

Informantenan a mustra riba e trabou intensivo cu Ministro Otmar Oduber mester a realisa pa por a yega na solucion di problemanan grandi den e ministerionan cu tabata cay bou su responsabilidad.

Den esaki un solucion pa e problema di San Nicolas sigur ta bini dilanti mescos cu problemanan di salud cu tabata resultado di falta di solucion pa problemanan riba tereno ambiental y e forma cu ta atende cu sushi.

E proyecto di viviendanan cu a wordo entama tambe lo sigui, segun fuentenan cu a indica cu riba termino sumamente cortico e anuncio oficial lo drenta.

Den seno di partido POR decisionnan lo mester wordo tuma riba e sucesor di Ministro Otmar Oduber. E lo keda encarga cu e continuacion di e trabounan cu Ministro Otmar Oduber a inicia.

Informantenan di DIARIO a descarta cualkier posibilidad di mal estado di salud of motibo otro cu familiar tras di decision di e gobernante.

DIARIO lo bolbe cu informacion directo di tanto Ministro Otmar Oduber, su partido y gobierno di cual el a forma parti sumamente activo.

- Advertisement -

DUNA COMENTARIO

Please enter your comment!
Please enter your name here