ORANJESTAD (AAN): E persona mas busca (Most Wanted) na Belgica y Suriname, esta Rudo Meiland di 56 aña di edad, a wordo gara! E persona aki a keda scondi pa mas cu un aña cu e tabata na Surnam.
Despues cu e worde condena na Suriname y e lo tin di sinta su castigo na Suriname. Despues e por wordo manda pa Belgica unda ey tambe Husticia kier hibe dilanti Huez.
Segun informe, Belgica ta buscando Rudo Meiland y el a worde deteni na Suriname.
Rudo aki worde sentencia pa 15 aña di prison na Belgica relaciona cu traficacion Internacional di droga y participa den organizacion criminal. E homber aki lo ta para na cabez di un organizacion internacional den aña nan 2009 pa 2015 cu el a importa Cocaina desde Republica Dominicana pa drenta Belgica.
Esaki segun e version pa medio di turistanan en cambio pa tene vacacion gratis nan mester a transporta kilonan di cocaina pa Belgica. E organizacion di Meiland a cumpra Douanero na Santo Domingo, segun e version ta menciona. Si e turistanan pasa Douana na Aeropuerto Zaventem exitosamente, nan ta ricibi pago di 15 mil Euro. E otro ruta segun e recorte ta menciona tambe aeropuerto di Francia. Eynan a atrapa dos traficante cada uno tabata tin 17 kilo di Coca hunto cu nan, parce nan lo ta forma parti di un organizacion di alrededor di ocho persona bao di cual Rudo Meiland y su ruman ta lidera e organizacion.
E version ta menciona tambe cu na 2005 Rubo a worde aresta na Republica Dominicana debi e lo ta worde sospecha di contrabanda di 40 kilo Cocaina y diferente paketenan di Marihuana.
