Home Deporte Mundo di deporte di motor ta sigui cu hopi desaroyo positivo

Mundo di deporte di motor ta sigui cu hopi desaroyo positivo

78
0
SHARE
- Advertisement -

ORANJESTAD (AAN) – Maner ta conoci cu “Werkgroep” Palomarga ta sigui cu tareanan pa realisa oficialmente e fundacion. Actualmente e acta notarial ta den proceso pa firma dentro di 20 dia mas o menos. Ta keda positivo cu esfuerzo di fanatico y coredor nan di drag por logra esaki.

Durante e weekend aki un team lo bay yuda kita e tribuna nan chikito cu ta den mas estado pa mira kico ta e siguiente plan pa cu esakinan. Actualmente ta den contacto cu Hurista di Directie Infrastructuur en Planning (DIP) pa traspasa tur ekipo incluyendo e timing system oficialmente bek na e werkgroep Palomarga na e manera legal cu esaki ta rekeri.

Tin un team cu ta atendiendo cu diferente reunion pa mira kico ta e posibilidadnan riba coriente propio sin mester haci uzo di generator  y tambe iluminacion pa e tereno di Palo Marga engeneral. Kiermen trabounan ta sigui. Berdad ta cu no ta mira kico ta e tareanan cu ta wordo haci, pero tur esakinan ta basa riba e parti huridico cu mester wordo hasi pa un fundacion funciona optimalmente.

Werkgroep Palomarga a ricibi un donacion grandi di lusnan pa e compleho y pronto esakinan tambe mester bai planea unda ta ubicanan pa por tin un mihor iluminacion riba full e tereno.

Den transcurso di siman WerkGroep Palo Marga lo tin un reunion planea cu diferente departamento di Cuerpo Policial riba diferente punto. Mirando cu falta ainda e parti hopi esencial cu ta e palonan di lus pa wordo reemplaza. Werkgroep Palomarga a opta pa move evento planea cu ta e streetlegal di e fin di luna aki pa dos siman mas si tur cos cana segun plan.

Lo informa na su debido tempo na tur coredor y fanaticada di e deporte di dragracing riba cualkier desaroyo.

Ta pidi disculpa tur coredor y fanaticada di dragracing  pa e inconveniencia cu esaki por crea y na mes momento comprension pa esaki.

 

- Advertisement -

DUNA COMENTARIO

Please enter your comment!
Please enter your name here