Home Hudicial Na November por spera caso penal contra 4 sospechoso di porno di...

Na November por spera caso penal contra 4 sospechoso di porno di mucha riba computer

437
0
SHARE
- Advertisement -

Un di nan ta encarcela ainda den KIA

ORANJESTAD (AAN): E caso di porno di mucha a haya hopi atencion den comunidad ora cu autoridad Americano hunto cu miembronan di KZP a haci un investigacion na Aruba y diferente persona a wordo deteni.

Ta asina cu autoridad Americano a pidi Ministerio Publico di Aruba cooperacion pa un investigacion ya cu autoridad Americano tin indicacionnan cu na Aruba tin hendenan ta dedica nan mes na baha peliculanan di porno di mucha, cual ta prohibi pa ley.

Pa algun luna e miembronan di autoridad Americano hunto cu miembronan di KZP a haci investigacion cu a logra detene 4 persona. Contra tur e personanan aki lo bin un caso penal.

Diaranzon merdia e sospechoso S.L. a presenta den sala di Corte di Husticia di Aruba, relaciona cu e caso penal cu tin contra dje. Ta asina cu e caso tabata pro forma y Fiscal a pidi Hues pa pospone tratamento di e caso te 29 November 2019.

Hues a bay di acuerdo cu e posponemento aki. E otro personanan sospechoso ta M.L., T.F. y T.C.

E chens ta grandi cu Fiscal lo laga yama e otro tres sospechosonan pa presenta den Corte e mesun dia pa asina trata e caso contra di nan tur cuater hunto.

 

- Advertisement -

DUNA COMENTARIO

Please enter your comment!
Please enter your name here