Ni bola di cristal lo a revela futuro Citgo na 2016

    87
    0
    SHARE
    - Advertisement -

    Ainda Crystallex por bende parti di Citgo y Rusia ta pendiente 

    *Placa di Citgo no por wordo uza pa nada cu no ta recuperacion

    *Guaidó a logra areglo pa scapa Citgo como borg di debe 2016

    ORANJESTAD  (AAN) — Awe cu e desenlace di Citgo anuncia dor di DIARIO siman pasa ta presenta su mes, informacionnan cu Aruba tabata kier a ricibi pa basta tempo, ta mira luz. DIARIO tabata en espera di e momento cu e situacion lo a rementa pa presenta informacionnan for di Merca pa asina desenmascara cualkier intento cu por haci pa laga Aruba kere cu e proyecto Citgo tabata uno sano.

    Dia 5 di september 2019, pues siman pasa, DIARIO a ricibi e informacion directo di Citgo Petroleum Company na Merca, cu e compania a logra scapa su mes di un peliger grandi cu e prestamonan cu Nicolas Maduro a haci pa PDVSA cu Citgo como borg, ta representa.

    Siman pasa na forma oficial e team di Presidente Interino Juan Guaidó, a anuncia cu segun Standard & Poor por papia di stabilidad den Citgo.

    E informacion aki a bini despues cu e Hunta di Comisario hunto cu e CEO nobo di Citgo cu ta e veterano petrolero Carlos Jorda, a logra yega na un areglo cu e grupo di financiadonan di e debe cu Nicolas Maduro a haci pa PDVSA cu Citgo como borg.

    A logra yega na un formula nobo pa paga e debe riba un termino mas largo den e epoca nobo di Citgo, cu Guaidó a los for di regimen Nicolas Maduro y PDVSA.

    E informacion aki ta confirma pues e peliger grandi cu Citgo tabata aden for di 2016.

    Durante e aña cu a ex Prome Ministro Mike Eman a firma e acuerdo di Citgo cu Nicolas Maduro, e dictador Venezolano a uza Citgo como borg pa debenan di Venezuela na Rusia pero tambe pa e haya placa pa PDVSA.

    Informacionnan cu Citgo tabata tin futuro pa Aruba pues ta completamente robes. Ningun momento mester a cera e acuerdo di riesgo halto pa Aruba manera DIARIO semper a mustra cu insistencia.

    Ni den bola di cristal ni gobierno di Aruba, ni a team negociado, ni tur cu a forma parti di e proyecto por a mira cu na 2019 diripiente Juan Guaidó lo a surgi y kita Citgo for di man di Nicolas Maduro cu tabata uza e compania di estado como su baca di lechi.

    DIARIO a informa Aruba cu pruebanan cu el a publica y pa sigura cu informacionnan eroneo cu tabata wordo filtra na Aruba pa scapa cara di gobierno anterior, no tabata corecto.

    E placa cu Citgo tin actualmente mester keda pa Citgo y ta den freezer. Venezuela no por mishi cu e placa y Citgo no por haci ningun inversion cu no ta pa Citgo mes.

    DIARIO lo sigui informa Aruba corectamente y a base di berdad pa haci husticia cu un pueblo cu a wordo mal informa intencionalmente pa ganashi politico.

    - Advertisement -

    DUNA COMENTARIO

    Please enter your comment!
    Please enter your name here