Home Gobierno Otmar Oduber: “Despues di 22 aña mi ta retira for di politica...

Otmar Oduber: “Despues di 22 aña mi ta retira for di politica activo na december di e aña aki”

720
0
SHARE
- Advertisement -

ORANJESTAD (AAN):  Otmar Oduber, a anuncia su retiro como Minister. El a duna di conoce cu esaki no ta un decision facil pe, pero si na bienestar di dje como di su famia.

Esaki ta locual el a publica diamars mainta ariba su pagina di Facebook.

“Cu un sonrisa riba mi cara, cu un curason yena di di emocion, expectativa y ilusionnan nobo awe ma anuncia publicamente e decision (no facil by the way) di inicia un etapa nobo den bida.

Despues di ta den politica activo pa 22 aña consecutivo dedicando mi bida na lucha pa un miho bienestar pa nos pida baranca y nos hendenan awe ma anuncia cu mi ta retira for di politica activo na december di e aña aki.

A escohe e fecha aki mirando cu ta na december, 22 aña pasa, a entrega lista unda pa prome biaha mi tabata un candidato politico. Como tal, ta un bon dia pa baha e trapi di Bestuurskantoor ultimo biaha no solamente como Minister, pero tambe como politico activo.

Motibonan pa e retiro ta estrictamente personal. Despues di tanto aña a yega ora pa dedica na mi famia y tey 100% pa nan.

Mi lo retira cu mi frenta den laira, orguyoso di loke a logra pa mi pida baranca cu ayudo principalmente di nos Creador, pero tambe di un tremendo team cu semper a para banda dimi, sin laga afo mi famia cu durante tanto aña tabatin e pasenshi, amor y curashi di ta mi pilarnan.

Cu mi no lo ta politico activo mas no lo kiermen cu mi lo bandona politica, esey ta den mi sanger y lo mi keda sostene mi partido POR y nos Gobierno, lo mi sigui traha, na un otro manera, pa mi hendenan y cu mi isla semper den mente y curason”, tabata e palabranan di Otmar Oduber.

 

 

- Advertisement -

DUNA COMENTARIO

Please enter your comment!
Please enter your name here