Home Comercio Otro sublime expo di “Lens di mi Wowo”

Otro sublime expo di “Lens di mi Wowo”

17
0
SHARE
- Advertisement -

ORANJESTAD (AAN): Recientemente riba Dia di Prensa, a tuma lugar den sala di exposicion di Biblioteca Nacional na Madurostraat, e apertura di e di diesdos edicion di e expo “E Lens di mi Wowo”.

Un biaha mas RBC Bank a sostene e proyecto aki cu tin e reportero Leo Vrolijk como e motor principal tras di dje.  Y semper ta dedica e expo aki na diferente persona conoci den comunidad di prensa.

Pa 2019, a dedica e expo aki na e conocido periodista deportivo Seever Krozendijk, como tambe Antony Carlo.

Seever ta co-fundador di e portal 297Sports, y a cuminza traha 14 aña pasa colaborando cu su omo Andresito Krozendijk na DIARIO.  Di e tempo ey el a keda cu e amor pa cubri informacion deportivo.

Antony Carlo ta abogado actualmente, pero den pasado tabata saca potret pa prensa na Aruba.  Y e ta conoci pa su forma di saca potretnan yen perspectiva.

Pa 2019 tambe a otorga Premio Djispie Franken, cu ta un premio extra, y e prome persona cu a haya esey ta Brian Koolman di e portal 24ora.

E expo a habri 1 di September 2019, y ta visible pa 2 siman na Biblioteca.

- Advertisement -

DUNA COMENTARIO

Please enter your comment!
Please enter your name here