Home Deporte Ottley’s Strikers a suta Trappers mahos den domino

Ottley’s Strikers a suta Trappers mahos den domino

67
0
SHARE
- Advertisement -

ORANJESTAD (AAN) – Diabierna ultimo Ottley’s Strikers DT a haci locual e mester haci pa mantene un chance pa yega playoff di Campeonato Balashi 2019. Den e wega Trappers DT – Ottley’s Strikers DT, fanaticada por a mira un Ottley’s Strikers DT na candela.

Ottley’s Strikers DT a suta Trappers DT cu e score monstro di 17 pa 8. Pa Ottley’s Strikers DT Dave Lampkin a bin por la goma y gana tur su 4 wega nan.

Cu e resultado aki Ottley’s Strikers DT a pone presion ariba Gold Stones Dewars DT pa e posicion 4 cu ta duna derecho di participacion den Play Off.

Gold Stone Dewars DT no tabata por cu e precion y den e wega Old Parr DT – Gold Stone Dewars DT di Diadomingo Gold Stone Dewars DT a sufri un derota grandi cu consecuencia cu Ottley’s Strikers DT ta pasa pa posicion number 4.

Old Parr DT no ta haci wega y cu e victoria di 19 pa 6 ariba Gold Stone Dewars DT na mes momento ta “reclaim” posicion 2 ariba e tabla di posicion di Campeonato Balashi 2019.

Den e otro wega di Diabierna e campeon nan actual Noord Stars Pizzahut DT a recupera di e derota di e siman prome y facil ta pasa ariba Sport Boys DT cu e score grandi di 16 – 9. E veterano Robby Hart a mustra tur e mas jong nan di Noord Stars Pizzahut DT e caminda di victoria.

E otro wega di Diadomingo tabata un wega di tactica y den esaki Eagles DT a demostra di tin mas experiencia cu X-treme DT. Despues di a cai atras Eagles DT a bringa bek pa bai cu e victoria 13 pa 12 den un wega sumamente importante pa X-treme DT. Cu e derota aki X-treme DT mester laga Old Parr DT pasa pa number 2 ariba e tabla di posicion.

E proximo wega nan lo ta September 13 na Balashi Beer Garden y September 15 na Sport Boys Club:

  • Trappers DT – Old Parr DT
  • Ottley’s Strikers DT – Eagles DT
  • Sport Boys DT – Gold Stone Dewars DT
  • X-treme DT – Noord Stars “PIZZA HUT” DT

Cu 2 wega mas den round 2 e pelea pa posicion number 4 ta feroz entre Gold Stone Dewars DT y Ottley’s Strikers DT. Fanaticada di tur equipo ta wordo invita pa ta presente.

 

- Advertisement -

DUNA COMENTARIO

Please enter your comment!
Please enter your name here