Home General Pa motibo di persecusion e ta suspendi di trabao desde 6 di...

Pa motibo di persecusion e ta suspendi di trabao desde 6 di September

23
0
SHARE
- Advertisement -

Segun Edward Maduro lider di SADA:

ORANJESTAD (AAN) – Sindicato di Trahadornan di Aduana (SADA), a tene un conferencia di prensa Diamars, den cuadro di e suspension di cuater ambtenaar di Cuerpo di Aduana, di cual e lider sindical Edward Maduro ta un di nan, y el a hiba palabra.

Maduro a cuminza pa splica e motibo pa cual a yama e conferencia di prensa aki, pa loke ta trata un “dienst voorwaarden” cuater empleado a haya un “toegangsontzegging”, kiermen un prohibicion pa drenta den e departamento,  pa asina e dienst y esnan envolvi di gobierno por haci e investigacion necesario.

El a expresa cu remarcable ta cu e tambe a haya e suspension aki. E suspension aki a bay na vigor for di Diabierna ultimo, 6 di September, unda cu ora el a subi warda a haya e carta.

Edward Maduro a duna di conoce cu ora el a bay tuma nota di e motibo pa cual a keda suspendi, via e carta firma pa e director sr. Croes den nomber di e minister, ta cu dia 19 di Juli e tabata den rooster pa traha e warda di 8 or di mainta pa 4 or di atardi, y den e carta di e minister firma pa e director, ta poni cu el a haya e toegangsontzegging, pasobra door cu el a traha e warda ey y no a traha un rapport cu ora nan a haci inventario, dia 19 di Juli, tabata falta un arma.

Ora cu nan a bay wak e wacht rapport di e seccion di waf, a tuma nota cu ora nan a wak e file di wacht rapport, durante e warda di 8 pa 4, no a wordo traha.

El a splica cu wacht rapport ta un metodo cu e supervisor cu ta bahando warda (di 8 pa 4 or) ta traha pa esun cu ta tuma over, pa tur cos keda bon bao control. E wacht rapport, generalmente, ta wordo traha na e final di e warda.

Den e carta ta wordo bisa cu e no a cumpli cu su responsabilidad como supervisor, y no a haci ningun tipo di melding cu falta un arma.

Maduro a splica cu e kier mustra cu akinan tin un persecusion formal tras di su persona, of di e sindicato SADA.

El a trece dilanti pa refresca memoria di tur hende cu na November aña pasa, el a haya un rapport di e director cu el a saca informacion interno di e dienst, den prensa.

Maduro a menciona cu e informacion ey ya caba e mesun director Croes a trece den prensa, y den pasado ex-director Cabenda tambe a trece dilanti. Pero como cu SADA ta un sindicato cu no ta keda keto ora cu cosnan ta bayendo fout, pero nan ta bin afo y mustra sin miedo ken tur ta cometiendo fayo y e Director den diferente ocasion a haci varios fayo, nan ta denuncia esaki sin miedo. E tempo ey door cu el a duna algun entrevista, e director a kere cu e por silencia SADA, segun e lider sindical.

Maduro a señala cu ora nan a bay wak kico a sosode dia 19 di Juli, nan a bin ripara cu henter dia nan tabata na Cocolishi den un reunion cu Minister di Finanzas for di 11 or di mainta.

Prome cu esey tabata tin un reunion interno cu e director mes, pa 10 or di mainta, pa asina delinea tur e puntonan prome cu nan a bay reuni cu e minister pa nan ta bon riba linea.

Entre 9:00 y 9.30’or di mainta nan a abandona pia di trabao y practicamente sr. Maduro no tabata na trabao dia 19 di Juli, y esaki ta mustra cu e director no ta busca informacion corecto y veridico, pero ta busca manera di persigui su persona y atacha su nomber, y kere cu tur hende ta di mesun condicion; falta di integridad.

 

- Advertisement -

DUNA COMENTARIO

Please enter your comment!
Please enter your name here