Home General Pa salba Aruba mester habri un teatro pa Mike

Pa salba Aruba mester habri un teatro pa Mike

512
0
SHARE
- Advertisement -

Resumen

Pasobra Parlamento no ta circo e no por drenta

*Mike a bisa na 2017 cu AVP mester bay den Damage Repair Mode

*Awor e kier bolbe dirigi Aruba cu el a laga Beyond Repair

E historia di Mike Eman ta uno poco comun na mundo.  Mester acepta cu e fenomeno Mike Eman ta algo special y cu Aruba mester haya un forma pa atende e problema aki, prome cu e zink Aruba pa semper.

Na momento cu informacion a alcansa Aruba cu Mike Eman kier a bini cu Mensahe Nacional, pa tur persona cu conoce alarma a cende cu e ta den otro cumbre.

Cu un cantidad di mentira Mike Eman a presenta dilanti pueblo di Aruba pa trata na suplica pa e por bolbe na poder. Cu algun potret di su persona cu mester a kibra tur curason, el a bay asina leu di gaña riba e situacion cu el a laga Aruba aden.

Loke Mike Eman a haci no ta nada straño mientrastanto pa Aruba. Di momento cu Mike Eman a subi scenario politico activo, ta drama tras di drama el a crea. Na final el a bini cu su propio planta di television, pero hasta esey a fracasa.

Tur hende ta na haltura cu e turbulencianan cu tin actualmente na Aruba ta obra di e gran maestro manipulado Mike Eman, cu no por drenta Parlamento pasobra Parlamento no ta circo.

Mike Eman a transforma gobernacion di Aruba den un circo total cu a costa pueblo di Aruba casi porvenir di e pais. Loke el a bay laga atras en su fantasia cu si ta tene cuenta cu su bienestar, ta debe y caos.

Awor Aruba mester haya un solucion. Si repasa historia di Mike Eman, e unico solucion ta pa habri un teatro caminda Mike Eman por duna non stop show.

Partido AVP, cu segun rapportnan oficial, a sostene Mike hasta kibrando e leynan cu ta regla representacion di Pueblo den Parlamento, awe tin e deber pa saca Aruba for di e desastre cu nan a sostene.

No mester lubida cu na 2017, despues cu resultado di eleccion a drenta, Mike Eman a bisa cu AVP ta asumi su responsabilidad di renobacion y reflexion. E partido lo a bay den Damage Repair Mode segun Mike Eman cu a indica cu e ta bay consulta cu su consenshi.

Aparentemente Mike no por sin AVP y AVP no por sin Mike. Esaki lo ta e motibo cu hasta instigacion di pueblo, mentira y manipulacion ta wordo tolera dor di e partido cu a sali for di su Damage Repair Mode cu brass band durante su convencion pa brasa Mike Eman atrobe como lider.

Awor kico Aruba por haci pa salba di Mike Eman? Si tene cuenta cu e miho actonan di Mike Eman ta sconde den su talentonan artistico, Aruba mester habri un teatro pa Mike por presenta su shownan manera Ensure den Toren y ambulance.

Mester habri un teatro caminda Mike por cana rond henter dia cu microfon den su man y papia cu miembronan selecto di su harmonia.

Pero mester evita cu Mike ta sigui causa mas problema na Aruba. Pues duna Mike e oportunidad pa actua como key note speaker, pasa man riba cabes di tur hende den publico, saca potret ta brasa tur hende.

Asina e por eherce e trabou den cual nunca el a fracasa cu ta manipulacion. Lo ta bon si pa evita cu e ta maneha e caha cu placa di entrada di e teatro pasobra no por permiti pa e teatro tambe bay bankroet.

- Advertisement -

DUNA COMENTARIO

Please enter your comment!
Please enter your name here