Home Cultura Pabien na e pueblo di Brazil y Aruba henter cu un bunita...

Pabien na e pueblo di Brazil y Aruba henter cu un bunita parada cultural yen di ambiente

90
0
SHARE
- Advertisement -

Minister di Cultura Xiomara Ruiz-Maduro:

ORANJESTAD(AAN): Minister di Cultura Sra. Xiomara Ruiz-Maduro tabata presente pa apoya y sostene nos cultura durante Parada Cultural relaciona cu Celebracion di Dia di Brazil.

Minister kier a duna un pabien grandi na e organisadornan Fundacion Chico Harms, Centro di Bario Brazil y Comision Eleccion y Parada Cultural pa un bunita parada Cultural. Igualmente na tur grupo participante di nos mucha, hoben y adultonan cu a presenta den nan bunita trahe di folklor como tambe na tur banda tipico cu a participa y anima cu nos musica y haci e parada aki uno bunita, grandi yen di ambiente bibando nos cultura.

Minister Ruiz-Maduro a keda masha encanta di tuma nota di presencia y participacion di un Grupo di Corsou bisti den nan trahe folklor. Ta di aprecia y reconoce e pueblo cu for di oranan tempran tabata banda di caminda ta spera e parada, apesar di e solo fuerte esaki no a stroba pa un y tur disfruta di e bunita celebracion di Dia di Brazil.

Por tuma nota cu cada aña e parada ta creciendo den participante y ambiente. For di awo caba Minister Xiomara Ruiz-Maduro ta invita e pueblo pa sostene e Celebracion di Dia di Brazil cu otro aña lo celebra su di 10 aniversario.  Un biaha mas pabien na e organisador- y participantenan.

 

 

- Advertisement -

DUNA COMENTARIO

Please enter your comment!
Please enter your name here