Home Parlamento Parlamentario Howell ta cumpli y 512 persona lo por cumpra pronto nan...

Parlamentario Howell ta cumpli y 512 persona lo por cumpra pronto nan propio cas

22
0
SHARE
- Advertisement -

ORANJESTAD (AAN): Parlamentario di POR, Alan Howell ta hopi satisfecho y contento di por anuncia otro noticia positivo na pueblo di Aruba. E biaha aki ta trata di e noticia cu dentro di poco un total di 512 persona cu ta habita e asina yama casnan di pueblo, lo por bin na remarke pa cumpra esakinan y asina logra nan soño di ta doño di nan propio cas.

Manera Howell ta splica, ta trata di 512 cas conoci den boca di pueblo como “Casnan di Pueblo”  full rond Aruba. Danki na un ley cu a caba di drenta Parlamento e siman cu ta tras di lomba, e casnan aki lo por worde cumpra.

Parlamentario di POR a informa tambe cu dentro di poco lo bay trata e ley aki den sala di Parlamento durante un reunion publico. Logicamente ta spera cu e ley aki pasa unanimamente, es decir, contando cu e sosten di tur fraccion den Parlamento.

Alan Howell no por imagina su mes cu algun miembro di Parlamento lo por ta contra pa nos hendenan por yega na nan propio cas y asina ora e ley worde aproba, e casnan lo por ta cla pa worde cumpra.

E barionan unda e casnan aki ta ubica ta Brazil/Mabon, Village, Esso Heights, Pos Chiquito, Rooi Congo, Resedastraat, Louise de Colognystraat,  Maria v Oranjestraat, Savaneta,  Cas Paloma, Sero Tijshi, Canashito, Sabana Blanco, Dakota, Tarabana, Madiki, Jaburibari, Noord entre otro.

Alan Howell ta gradici Minister Otmar Oduber pa scucha su peticion persistente den nomber di pueblo y pa haci soño di hopi aña di nos hendenan bira un realidad.

 

- Advertisement -

DUNA COMENTARIO

Please enter your comment!
Please enter your name here