Home Parlamento Parlamento a aproba mocion pa re institui e Fondonan pa Caretera y...

Parlamento a aproba mocion pa re institui e Fondonan pa Caretera y Infrastructura

5
0
SHARE
- Advertisement -

ORANJESTAD (AAN):  Durante e reunionnan publico di siman pasa, un topico di interes nacional cu a wordo trata ta e fondonan pa caretera.

Manera ta conoci, Fraccion di POR a bin dilanti na diferente ocasion cu e punto di re-institui e Fondonan pa Caretera y Infrastructura, esta e Wegen en Infrastructuurfonds (WIF) pa por conta cu e fondonan presupuesta anualmente  pa por inverti den e parti importante aki cual ta contribui na desaroyo economico di Aruba.

Den cuadro di esaki Fraccion di POR a presenta un mocion cu a haya sosten den Parlamento y a wordo aproba pa bin cu e WIF un biaha mas.

E mocion ta bisa cu considerando:  cu Aruba su economia  mester wordo stimula; cu infrastructura tin un rol importante den estimulo di nos economia; e necesidad di nos pueblo pa mantencion y construccion di careteranan y riolering riba nos isla y; pa cada presupuesto tin 9 miyon pa drecha nos red infrastructural, ta urgi gobierno pa reinstitui e Fondo pa Caretera (WIF) mas lihe cu ta posibel pa sigura fondonan structural pa e construccion y mantencion di nos careteranan na Aruba.

Ambos miembro di Fraccion di POR a keda sumamente content cu e sosten cu e mocion a haya for di e otro fraccionnan cu ta sostene coalicion, pero tambe di e respuesta positivo y alentador di e minister di Infrastructura cu a mustra apoyo y sosten na e mocion aki. Marisol Lopez-Tromp y Alan Howell ta optimista cu dentro di poco tempo Aruba lo conta un biaha mas cu su WIF y asina sigura e mantencion y construccion na un forma structural di careteranan rond di nos isla.

- Advertisement -

DUNA COMENTARIO

Please enter your comment!
Please enter your name here