Home Carnaval Porfin organizacion SMAC a haci entrega di premionan di Carnaval 65

Porfin organizacion SMAC a haci entrega di premionan di Carnaval 65

213
0
SHARE
- Advertisement -

ORANJESTAD (AAN): Diasabra anochi na Carnival Euphoria Exhibition, a tuma lugar e entrega di premio di esnan cu a gana y sobresali den Carnaval 65.

Recien tabatin hopi hende ta puntra di con Augustus ta finalizando, y ainda e organizacion SMAC no a haci entrega di e premionan.

Porfin riba e ultimo anochi di Augustus, a haci entrega di e premionan.

E anochi aki, Shannon Henriquez a duna su ultimo discurso como president di SMAC.

Henriquez a mustra, cu ta cu hopi placer nan ta entrega premio na tur e carnavalistanan cu a resalta den Carnaval 65. Sin nan creatividad, nos hendennan no por a gosa di un carnaval 65 impresionante.

Segun Henriquez, nan ta na antesala di hopi noticia interesante relaciona cu desaroyo di e organizacion cu ta pasando den un etapa pa por haya un persona pa ocupa e presidencia di SMAC, di cual lo trece cune miembronan nobo, motiva, inspira pa sigui cu e trabao cu nos directiva cu tabata na mi encargo pa 3 aña.

Aki Shannon Henriquez a indica cu e tin tur confianza cu e siguiente president lo sigui e trabao cu nan a bin ta haci pa e ultimo añanan.
Un trabao voluntario cu no tabata facil, nan mester a para duro band’i otro pa ehecuta e plan cu nan tabata tin y pensamentonan di tur esnan cu ta forma parti den un forma directo y indirecto di e organizacion.
Carnaval ta ranca sali oficialmente riba Dialuna 11 di November 2019, y cu SMAC nan a mira un apertura di carnaval cu a bira grandi den un forma unico, un idea cu a inspira Kevin James cu nos pueblo carnavalesco a brasa.
Shannon Henriquez ta manda un danki nan tur esnan cu a sostene e directiva aki, tur e voluntario-, patrocinador-, y organizacionan.  Tabata un honor di por a traha pa carnaval como president di SMAC, posicion cu semper lo tin un lugar bon warda den mi curazon.
Henriquez a finaliza bisando: “Na e president nobo y miembronan nobo, hopi exito, hopi forsa, hopi pasenshi tolerancia , hende facilmente lo por critica pero pa haya voluntario pa yuda ta poco, pesey nos tin un aprecio na tur esnan cu a entrega na tempo, idea pa nos por celebra e manifestacion cultural di mas grandi riba nos isla cu ta Carnaval. Manera Don Milo Croes a yega di bisa Carnaval di Aruba si ta Carnaval. Biba Carnaval, Biba SMAC, Biba Aruba!”

- Advertisement -

DUNA COMENTARIO

Please enter your comment!
Please enter your name here