Home Gobierno Premier Wever-Croes a reuni cu lidernan muhe y ehecutivonan di Wall Street...

Premier Wever-Croes a reuni cu lidernan muhe y ehecutivonan di Wall Street y sector priva

28
0
SHARE
- Advertisement -

Na New York:

ORANJESTAD (AAN):  Na comienso di e siman di Asamblea General na Nacionnan Uni na New York, Prome Minister Wever-Croes a reuni cu lidernan muhe y ehecutivonan di Wall Street y sector priva, unda cu el a presenta e vision di Aruba pa desaroya pilarnan nobo di economia, y particularmente un economia di conocemento.

Den e seno aki a explora colaboracionnan nobo unda cu Aruba por ofrece un situacion win-win pa inversionistanan cu ta sostene desaroyo sostenibel.

Tin hopi interes y oportunidad pa partner cu Aruba riba tereno di social innovation pa desaroya solucionnan pa retonan riba tereno di educacion, futuro di trabou, cambio di clima y derecho di hende muhe. E evento a wordo haci posibel Danki na Fiduciary Trust International.

“Esaki tabata un desayuno combina cu un reunion cu mi a organisa na unda cu mi a comparti e historia y visionnan di Aruba cu esnan presente y na unda mi a haya e oportunidad tambe pa scucha di nan tin interes den Aruba pa yuda crea desaroyonan specialmente den tecnologia pa asina crea mas transparencia y integridad.

Cu e reunionnan aki, Aruba ta wordo promove mas ainda cu e speranza cu nos lo haya ayudonan pa crea mas desaroyo y posibilidad pa nos pueblo”, Prome Minister a duna di conoce.

- Advertisement -

DUNA COMENTARIO

Please enter your comment!
Please enter your name here