Home Cultura Presentacion di e buki “Storianan cortico di Dooi”

Presentacion di e buki “Storianan cortico di Dooi”

39
0
SHARE
- Advertisement -

ORANJESTAD (AAN): Lucia Kelly y famia Dañe tin e grata noticia y honor pa anuncia e presentacion di e di 3 buki di Dooi Dañe pa asina sera e tomo. Dooi tawata conta storianan di antes durante caminatanan organisa pa Stimaruba.

Ora cu e pianan cansa den e caminatanan largo den sero y rooinan, e tawata sinta riba un piedra y conta storia. Su storianan tabatin bon acohida serca esnan cu ta gusta cana den mondinan pariba di Aruba. Lucia Kelly cu tawata traha na Archivo Historico di Aruba, a pidi Dooi pa scirbi su storianan y asina Dooi a tuma su tempo y a cuminsa scirbi na edad di 80 aña.

Semper su casa Colati a apoya y compaña Dooi ora e tabata scirbi. E tabata sinti amor pa e naturalesa fragil y pa tur loke ta biba y crese. E kier a motiva hende pa scirbi y conta storia. Den e buki aki cu 39 storia, e ta conta di luganan na Aruba y di personahenan di antes, di trabounan y di custumbernan di antes y di su tan afamado chasconan.

E presentacion di e buki “Storianan cortico di Dooi” ta tuma luga diahuebs 5 di september 2019 den FMA na Santa Cruz. E actividad ta cuminsa 7.30 or di anochi.

 

- Advertisement -

DUNA COMENTARIO

Please enter your comment!
Please enter your name here