Home Parlamento “Prome Minister ta gaña asina hopi cu el a cuminza kere su...

“Prome Minister ta gaña asina hopi cu el a cuminza kere su mes”

120
0
SHARE
- Advertisement -

Segun parlamentario Benny Sevinger:

ORANJESTAD (AAN) – Den conferencia di prensa di fraccion di AVP, Parlamentario sr. Benny Sevinger a hiba palabra y a enfoca riba loke AVP ta considera “yoramento di Prome Minister Evelyn Wever Croes” y a duna su punto di bista tocante e situacion di nos pais.

Sevinger a expresa cu Prome Minister no a bisa pueblo nada cu e situacion di Aruba ta duro, cu gobierno a hinca man den su saco, pero aworaki nos pais ta bay padilanti.

E Parlamentario a bisa cu al contrario, e mandatario ta papia cu gobierno a hereda un situacion cu e no por maneha ni a premira.

Pero den campaña e lider politico di MEP tabata sa tur cos, segun Sevinger. Awendia ningun hende por gaña otro mas “pero e señora aki ta gaña asina hopi cu el a cuminza kere su mes” Parlamentario Sevinger a expresa.

Sevinger a señala cu durante e mandato di sr. Eman tur cuenta anual tabata bay Parlamento y tur cifra tabata conoci door di Departamento di Finanzas, Rekenkamer, CAft, etc.

Pa awe Prome Minister bisa cu e tabata un sorpresa y cu e no tabata sa nada, ta un mentira di e señora aki pa tapa su incapacidad pa goberna un pais cu tabata den pleno desaroyo.

“E tabata un train cu tabata bay cu un speed hopi halto, y aworaki bo a pare y aworaki segun su propio palabranan e ta para den bocht (birada) pasobra bo tin cu tuma mas medida”. Asina e parlamentario a bisa, agregando cu CAft a bisa Prome Minister cu e no ta tumando medida pa paga ningun debe. “E debe di nos pais ta keda crece, pasobra bo a subi bo presupuesto pa mas di cien miyon”, e parlamentario a señala.

El a cuestiona tambe cu Minister Presidente a bisa den su discurso cu e kier a baha e cantidad di ministernan di 9 pa 7, pero no a logra. Segun e parlamentario e motibo ta cu e “scorpion” di Otmar Oduber lo no por a bira minister e ora ey, anto pesey a keda cu ocho minister.

El a menciona cu 9 minister tabata tin un presupuesto di 1.8 biyon y awe cu 8 a subi esaki cu cien miyon mas.

Sevinger a expresa cu no ta e cantidad di minister loke ta conta sino kico gobierno ta duna, na cada minister.

E parlamentario a señala cu ora un gobierno ta ranca placa di pueblo aki, aumenta gasto di gobierno, unda cu aworaki e ta para den un cruzada pasobra tur e placa aki no a yega pa e presupuesto cu e tin cu entrega.

 

- Advertisement -

DUNA COMENTARIO

Please enter your comment!
Please enter your name here