Home General Proyecto di Kiwanis Club of Young Professionals ‘Placa Chikito: Axel y su...

Proyecto di Kiwanis Club of Young Professionals ‘Placa Chikito: Axel y su Pork’i Spaar’ tabata hopi exitoso

17
0
SHARE
- Advertisement -

ORANJESTAD (AAN): Pa di dos aña consecutivo e proyecto di Kiwanis Club of Young Professionals Aruba (KYPA) ‘Placa Chikito: Axel y su Pork’i Spaar’ a tuma lugar. Durante cuater atardi di storia e buki ‘Axel y Su Pork’i Spaar’ a wordo presenta na muchanan durante nan vacacion escolar 2019.

KYPA cu tin como obhetivo pa duna bek na e comunidad di Aruba y specialmente e muchanan a percura pa e aña aki un biaha mas e proyecto aki wordo presenta y ehecuta.

Un proyecto cu a cuminsa algun aña atras den un concepto completamente diferente a wordo ahusta na 2018 na unda un buki a wordo scirbi y produci completamente na Papiamento. E meta di e buki ta pa concientisa y informa e muchanan hopi mas tocante e topico financiero.

Especialmente riba e tema di spaar, gasta y duna bek na comunidad. Pa aña 2019 e proyecto aki a wordo presenta un biaha mas durante cuater diasabra atardi na Santa Cruz, Noord, Playa, y San Nicolas. Aki nan e buki a wordo dramatisa y presenta door di señora Martica Lugay y tambe señor Richard Dabian. KYPA sigur ta orguyoso unabes mas pa presenta e proyecto aki y pa wak e reaccion positivo di e tantisimo mayornan cu a inscribi e yuinan pa participa.

KYPA ta sumamente contento di por a aporta na e educacion di cada un di e muchanan cu a participa na e atardi nan cu e proyecto a wordo presenta. Asina aki tambe caba un di e muchanan aki tin mas conocemento riba e parti financiero y tambe pa e muchanan por ta mas conciente cu uso di plaka. Spaar un tiki mas y tambe por duna bek na comunidad

Por ultimo Kiwanis Young Professionals kier gradici Elite Productions & Entertainment, Paradera Party Center, EZ Party Solutions, Sr. Alexis Tromp, Biblioteca Nacional Oranjestad y San Nicolas, Aruba Bank y CMB pa haci e proyecto e aña aki un biaha mas posibel y ta conta cu sosten di nos muchanan pa por sigui traha pa nos comunidad.

- Advertisement -

DUNA COMENTARIO

Please enter your comment!
Please enter your name here