Home General Proyecto Hospital: e marcha di AVP contra bida y salud

Proyecto Hospital: e marcha di AVP contra bida y salud

222
0
SHARE
- Advertisement -

Resumen

Mas cu 200 Miyon Florin di pueblo a wordo inverti

Dia 22 di september 2017 pueblo a bisa cu ta basta

Loke a pasa na Aruba durante dies aña, no tin nomber. Placa di pueblo a wordo uza sin compasion dor di e gobierno cu a destrui bienestar di e Arubiano cu awe ta riba crisis riba tur tereno.

E proyecto hospital talbes ta e miho ehempel di loke mal gobernacion ta capaz pa produci.

Mei 2014  a cera cu un Aruba bailando y contento sin ta na haltura di e desastre cu gobierno tabata prepara pa pueblo. Cahanan di pueblo tabata practicamente bashi y realmente un bon gobernacion mester a cuida cada cen cu Aruba tabata tin disponibel.

Mike Eman, Alex Schwengle, Benny Sevinger tabata entre e nucleo di partido AVP cu a introduci Aruba na su hospital di cinco strea, cu a bira e horor di mas grandi di e pais.

Con leu un gobierno por yega cu su mal gobernacion ta wordo demostra dor di e hospital, pa cual inicialmente a wordo bisa cu mester di mas cu 200 Miyon Florin.

Un di e tantisimo proyectonan cu mester a trece cambio total pa Aruba pero no e tipo di cambio cu pueblo a spera.

Loke e hospital a trece pa Aruba tabata pio cu mas peliger.

E proyecto hospital nobo sigur lo drenta historia como uno di e proyectonan mas increibel cu e pais a conoce.  Den e proyecto hospital a lubida cu mester tabata tin un sala di operacion.

Awe e proyecto hospital nobo a resulta un atentado contra bida y salu di pueblo di Aruba, cu tabata den estado di alarma despues di un anochi di yobida.

E hospital, cu na momento di calamidad grandi mester ta refugio di hende cu problema fisico, a bira peligroso pa bida di hende.

Un situacion di emergencia a presenta su mes. Staf y personal di hospital tabata desespera mientras awa tabata yena e facilidad caminda hende tabata busca nan salud y hamas por a pensa di por topa cu morto scondi.

E proyecto Hospital nobo a bira un atentado contra bienestar di e ciudadano, di e Arubiano cu a mira con e marcha di AVP no tabata un caminata pa felicidad dos aña pasa e politiconan di AVP a pidi pueblo vota pa nan.

Algo sumamente serio cu lo wordo condena internacionalmente a tuma luga na Aruba, cu a duna gabinete Mike Eman e confiansa pa cuida su interes y bienestar pero awe ta sufri.

Dos aña despues cu pueblo a manda gabinete Mike Eman cas, e ta haya tur prueba cu el a tuma un bon decision.

Awe palabra ta na gobernantenan nobo pa drecha loke e gobierno di AVP a laga atras ora pueblo a papia dia 22 di September 2017, dos aña pasa.

Awe dies aña despues cu pueblo a pone Mike Eman na poder, un pueblo den lamento ta hisa cara wak cielo. Loke a pasa Aruba no tin nomber!

- Advertisement -

DUNA COMENTARIO

Please enter your comment!
Please enter your name here