Home General Prueba cu Parlamento a faya cu Pueblo y nos leynan na 2016!

Prueba cu Parlamento a faya cu Pueblo y nos leynan na 2016!

171
0
SHARE
- Advertisement -

Analisis Special

Rapport ta papia di gastonan ilegitimo cu a tuma luga 

Pa un pais funciona, e calidad di su Parlamento mester garantisa un control debido di loke gobierno ta haci.

Democracia na un pais ta depende completamente di e forma cu Parlamento ta funciona y ta cumpli cu leynan basico di e pais.

Durante e ultimo aña, na forma consistente nos a proba cu durante gobernacion anterior no tabata tin control di Parlamento manera ley ta exigi di loke gobierno tabata haci. DIARIO tabata e medio di comunicacion di Aruba, cu a destrui e cortina di huma di Gabinete Mike Eman, cu a uza BBO pa haya pueblo den su gara politico y despues a trata di sigui dilanti cu introduccion di Citgo.

Na hopi ocasion nos a trece dilanti cu bienestar di Aruba practicamente a muri hunto cu leynan riba cual gobierno Mike Eman tabata trapa cu sosten di e mayoria absoluto cu pueblo a duna su partido na eleccion 2013.

Awe Aruba ta para dilanti un aña nobo di Parlamento, cu ta hura di representa e bienestar di Aruba segun nan consenshi y di acuerdo cu nos leynan na 2016 y segun e rapport cu nos ta presenta awe, prome cu e fecha tambe.

Parlamento, en todo caso e mayoria cu tabata sostene gobierno Mike Eman, tabata permiti gobierno pa haci y deshaci manera e tabata kier y no tabata cumpli cu uno di e derechonan sagrado pa cual pueblo ta eligi miembronan di Parlamento.

E Derecho di Presupuesto cu ta entrega na gobierno e sumanan cu nan por gasta segun aprobacion di Parlamento, a wordo trapa durante un aña cu segun nos a mustra continuamente, hopi gasto a wordo haci pa trece Citgo y tambe introduci cantidad di compania nobo na Aruba.

E rapport cu awe DIARIO ta presenta como su prueba, ta mustra bon cla cu Algemene Rekenkamer Aruba cu ta e tribunal di cuenta, e tribunal administrativo di e pais, a acusa Parlamento di Aruba di no a haci su trabou.

E resultadonan pa e pais tabata dramatico. Gastonan cu no tabata aproba, a wordo haci sin intervencion di Parlamento cu no a cuida placa di pueblo y a laga gobierno haci loke e kier.

Awe Aruba a keda atras cu preguntanan grandi di loke a tuma luga den seno di un gobernacion cu no tabata tin ningun respet pa Parlamento. Prueba ta keda e forma cu a humilia Parlamento pa introduci e proyecto di Citgo cu tur su riesgonan.

Awe ainda Aruba ta tuma nota di situacionnan increibel relaciona cu placa di pueblo mientras e pais ta prepara pa medidanan cu Reino ta exigi e pais tuma pa evita cu e pais ta bati bankroet completamente.

Cifranan di Aruba ta demostra cu si Aruba tabata un pais, e lo mester a pidi pa wordo declara bankroet pasobra Aruba a biba cu mas gasto cu e tabata tin entrada.

Nos tabata tin motibo pa exigi y sigui exigi pa sigur e acuerdo di Citgo den cual placa a drenta y sali na cantidad wordo investiga.

Awe na final di e ultimo siman prome cu e pais drenta un aña nobo di Parlamento, nos ta presenta prueba con miembronan di Parlamento a faya cu nan sosten na gobierno Mike Eman cu a sink Aruba.

Nos ta sigui insisti riba e ponencia aki pasobra cualkier gerente ta bon na haltura cu si bo ta gasta placa cu e pais no tin y na mes momento ta kita su entrada, bo ta manda negoshi, pais, nacion bankroet.

Awe nos ta confirma cu prueba con sigur e mayoria cu a sostene gobierno Mike Eman den Parlamento, a faya cu Aruba y a nenga di uza su arma principal y legal pa cuida bienestar financiero di Aruba.

- Advertisement -

DUNA COMENTARIO

Please enter your comment!
Please enter your name here