Home Cultura Rabino Daniel Kripper a presenta su buki ‘Vivir con Mayúscula’

Rabino Daniel Kripper a presenta su buki ‘Vivir con Mayúscula’

30
0
SHARE
- Advertisement -

ORANJESTAD (AAN):  Na Universidad di Aruba recientemente tabata tin presentacion di e buki di Daniel Kripper.

El a splica den entrevista cu DIARIO cu e ta e rabino di Beth Israel cu ta e comunidad hudiu na Aruba. E tin varios aña na Aruba. Esaki ta su di 7 aña na e isla y e tin awor e honor di presenta su buki cu yama “Vivir con Mayúscula”, con pa biba un bida pleno.

Ta un buki producto di meditacion, estudionan y experiencianan. E ta pone den dje loke el a siña den bida y tur loke e ta siña di su alumnonan y di e hende rond di dje.

Den e buki ta mustra algun tips di como por biba un bida mas amplio y mas trascendente, a indica.

Ta repasa balornan manera: Gratitud, compasion, bondad. Ta purba di mustra un caminda pa e hende por reconcilia e balornan aki den nan bida personal, di famia, social, a señala.

E mensahe di e buki ta cu semper ta posibel transforma e bida den uno mas positivo sin importa edad lagando un banda e excusanan , Kripper a manifesta.

Na final di cada capitulo tin un capitulo practico cu tips. Termina cu un capitulo tocante felicidad cu diferente enfoke y insights di e Kabbalah cu ta e sabiduria tradicional mistico di hudaismo.

Ta integra e parti cientifico, psicologia como tambe e spiritualidad.

E buki a wordo presenta na Argentina, Uruguay, Miami y awor na Aruba. Na e momentonan aki e buki ta den proceso di re-edicion ya cu a haya un acogida enorme, Kripper a duna di conoce.

- Advertisement -

DUNA COMENTARIO

Please enter your comment!
Please enter your name here