Home Gobierno Radar pa Cuerpo Policial a yega Aruba

Radar pa Cuerpo Policial a yega Aruba

284
0
SHARE
- Advertisement -

Minister mr. Andin Bikker:

ORANJESTAD (AAN) – Minister di Husticia mr. Andin Bikker, a duna di conoce den conferencia di prensa di gobierno, cu e radar pa KPA tey.

Gobierno ta haciendo esfuerzonan pa su instalacion, y expertonan di e compania fabricante di Noruega, lo manda representantenan e siman aki, y asina lo cuminza cu preparacion pa instala e radar aki, cu ta hopi necesario den e cuadro di e retonan cu Aruba tin pa controla su frontera.

MODERNIZACION DI LEYNAN:

Finalmente, Minister di Husticia a reitera cu e ta bezig cu un ley, pa moderniza cierto leynan anticua, y den e cuadro aki lo trata e ley di ordenanza di proteccion legal den casonan di decisionnan di gobierno.

E mandatario a subraya cu e ordenanza aki tin su edad, pues e ta data di 1993. E ley aki ta regarda ora tin caso cu un ciudadano ta entama riba un decision di gobierno, hopi biaha nan ta desea mas proteccion legal, y e mandatario a tuma nota di esaki.

Minister Bikker a indica cu na Hulanda nan a introduci e alternativa di “mediacion” unda e persona ta pidi mediador pa sinta na mesa pa wak si por yega na un solucion satisfactorio pa ambos partido, y den e modernizacion di e leynan ta bay introduci e mediacion cu ta bay aumenta e proteccion pa e ciudadano, y na mesun momento ta bay haya mas hende satisfecho cu e servicio di gobierno pasobra e ora ey e decision no ta adversario.

E mandatario a subraya cu ora tin caso den Corte, un ta gana y otro ta perde, y den e caso di mediacion ta yega na un acuerdo satisfactorio cu ambos partido por biba cune. El a subraya cu 80% di e casonan na Hulanda cu ta wordo someti na mediacion, ta yega na un acuerdo unda gobierno y e ciudadano ta keda contento cu e resultado.

 

- Advertisement -

DUNA COMENTARIO

Please enter your comment!
Please enter your name here