Home Politica RAIZ mustrando cu e ley di Serlimar ta un test pa mira...

RAIZ mustrando cu e ley di Serlimar ta un test pa mira si berdad tin respet pa organonan di conseho y control

50
0
SHARE
- Advertisement -

ORANJESTAD (AAN):  Segun RAIZ, pa democracia por funciona optimalmente, ta crucial pa tin un sistema di “checks and balances” na vigor cu ta preveni of en todo caso limita grandemente cu gobernantenan ta tuma decisionnan descabeya of iresponsabel cu no ta sirbi interes general di nos pueblo.

Den cuadro aki RAIZ ta exigi pa Parlamento respeta y presta atencion na e organonan di conseho y control cu ta forma un parti asina importante di nos sistema democratico. Aki nos ta referi na Raad van Advies (RvA), Algemene Rekenkamer Aruba (ARA), Centrale Accountantsdienst (CAD) y Sociaal-Economische Raad (SER).

E    conseho cu Raad van Advies (RvA) ta duna e proyecto di ley encuanto maneho di desperdicio entrega na Parlamento, ta conclui cu:

Tin falta di un vision mas amplio den e problematica di maneho di desperdicio na Aruba.

A base di analisis di e construccion proponi di e maneho di sushi cu ta inclui den e concepto, tin tambe pensamentonan serio pa loke ta trata:

– Consecuencianan financiero pa Gobierno y Serlimar

– E aspectonan competitivo cu esaki ta trece

– E magnitud y alcance di e tareanan cu lo pertenece na Serlimar

RvA ta termina bisando cu nan por bai di acuerdo cu e meta pero no cu e contenido di e concepto di con Gobierno ta pensa di alcansa e meta. Pa e motibo aki RvA ta adverti gobierno pa no manda e plan pa Parlamento tanten cu Gobierno no tuma den consideracion e puntonan cu a wordo treci padilanti den nan conseho.

Segun Constitucion, Parlamento ta e organo mas halto di nos pais y tin e tarea primordial pa controla Gobierno. Si Gobierno di su banda kier demostra respet na Trias Politica, nan mester brinda Parlamento espacio pa por eherce e papel di controla Gobierno na un forma independiente y imparcial.

RAIZ kier mira si di berdad Parlamento lo pasa e test cual nos ta considera e Ley di Serlimar. E test aki lo comproba si realmente ta brinda respet pa instancianan manera Raad van Advies. Si esaki no ta e caso, e ora nos como pueblo mester por acepta cu CAFT mester keda te dia Parlamento stop di pasa leynan den cual RvA ta mira hopi problema.

 

- Advertisement -

DUNA COMENTARIO

Please enter your comment!
Please enter your name here