Home Deporte RCA ta cla pa ranca sali Diasabra awor den Campeonato Division Honor

RCA ta cla pa ranca sali Diasabra awor den Campeonato Division Honor

44
0
SHARE
- Advertisement -

ORANJESTAD (AAN) –  RCA ta ranca sali diasabra awo pa 8’ or den Centro Deportivo Guillermo Trinidad DGPT contra F.C. United.

Esaki ta e ultimo campeonato pa e decada aki, uno cu e tricolornan a domina completamente.

Desde campeonato 2010-11 RCA a hunga 7 final, titula 5 biaha campeon di Aruba, 4 biaha campeon campeonato regular, gana 4 titulo Copa Don Elias Mansur, lanta dos biaha Copa Betico Croes y un Campeon Interinsular ABC Cup 2015 na Bonaire.

RCA e aña aki ta yama bon bini na head coach Giovannie Thode, coachnan Gilberto Spataro y Sjurendi Granviel kendenan ta forma e staff tecnico hunto cu Felix Malmaceda, Icho Matos y Danny Kelly.

Pa por yena algun buraco RCA ta yama bon bini tambe na Eric Abdul, Chito van der Biezen, Walter Bennett, Diqion Ras, Jomar Martis kendenan tur a bin cas bek.

E aña aki RCA ta ofrece na su fanaticada un “V.I.P. seizoen-kaart” cu bo por wak tur 18 wega di campeonato regular. Pa muchanan te cu 12 aña e prijs ta menos.

E “seizoen-kaart” ta obtenibel diabierna awo di 6’or pa 8’or di anochi na RCA Arena cerca Sra. Yazmira Tromp.

- Advertisement -

DUNA COMENTARIO

Please enter your comment!
Please enter your name here