Home Politica Reaccion di Benny Nisbet awor cu Gobierno a nenga di cumpli cu...

Reaccion di Benny Nisbet awor cu Gobierno a nenga di cumpli cu e deal haci cu Aduana

34
0
SHARE
- Advertisement -

ORANJESTAD (AAN): PPA a tuma nota di e conflicto entre Gobierno y  Cuerpo di Aduana  pa e ehecucion di un acuerdo haci entre gobierno anterior y Aduana den pasado recien unda gobierno a bay di acuerdo pa paga ‘indexering’ na e ambtenaarnan aki y awor gobierno ta nenga di cumpli cu e acuerdo.

Realidad di bida ta cu Gobierno tin continuidad apesar cu gobierno por a cambia di constelacion politico.

Ta un realidad cu pais Aruba ta pasando den un situacion financiero dificil a consecuencia di e asina yama ‘Mega debe’ cu lo bay afecta Aruba pa e proximo 25 pa 30 aña.

Cual ta nifica cu na momento cu trahado en general (no ambtenaar so!) accepta cu lo no tin ‘indexerering’ a consecuencia di ‘inflacion’ esaki lo nifica un atraso di nan salario esta e ‘forza di compra’ cu nan salario por tin den futuro.

PPA ta reconoce cu ta derecho di trahado (no ambtenaar so!) pa lucha pa nan haya ‘indexering’ paga  pa e motibo aki a crea Ley cu ta pone cu despues di un procedura legal trahador por uni den of tras di un sindicato cu lo representa nan pa negocia  e pago di nan derechonan.

E grito  cu PPA ta tende cu  tin un crisis financiero y pesey trahado den e caso aki ambtenaar lo mester acepta cu nan lo NO haya ‘indexering’ tin consecuencia grandi y catastrofal pa e clase trahador.

Imagina bo mes cu esey lo por nifica cu si e crisis financiero cu Aruba ta den keda pa entre 25 pa 30 aña esaki lo por nifica cu trahado (ambtenaar of no) lo no ricibi ‘indexering’ pa e periodo aki.

Si nos tuma p.e. cu  durante 30 aña e  ‘inflacion’ lo por ta un averahe di 2% esey lo nifica cu nan forza di compra lo baha entre 50 pa 60%, cual ta nifica cu cierto momento un  papel di 100 Florin cierto momento lo por cumpra solamente loke 50 Florin of 40 Florin ta cumpra den futuro.

PPA ta accentua e no ta facil pa atende e problematica aki y no ta intencion di PPA pa instiga ningun sindicato ni trahado pero pasobra den pasado PPA tabata e unico organizacion politico pa mustra riba e importancia di e materia aki PPA ta considera cu ta e momento pa trece e problematica general padilanti.

E conflicto entre Gobierno y sindicato di Aduana nos ta laga pa representacion  syndical  y di gobierno di cada uno atende na mesa manera debe ser! Esey ta democracia y respet pa clase trahador, exito na ambos!

- Advertisement -

DUNA COMENTARIO

Please enter your comment!
Please enter your name here