Tin solucion na horizonte
ORANJESTAD (AAN): Ta parce cu henter e seccion di Recherche Oranjestad ta sin un dak drechi riba nan cabez.
Desde cu nan a muda di Frankrijkstraat (Eagle) pa Warda di polis Noord, nan no por a traha debidamente. Despues a bin logra espacio na Centro di Husticia na Macuarima.
E hecho cu nan a sali di Frankrijkstraat ta debi cu e edificio tin beskem den e murayanan, y esaki ta peligroso pa salud di tur hende.
Diaranson Recherchenan en carga di distrito Oranjestad a tene un walk out na Centro di Husticia na Macuarima. Hasta Minister di Husticia mr. Bikker a presenta na Macuarima pa asina pone su mes na altura di e problema cu a presenta, no pa Recherche so pero pa ciudadanonan di Oranjestad tin cu bay entre otro na Warda di Polis Noord pa denuncia.
Despues a cambia esaki pa Recherche Oranjestad bay tuma espacio den Centro di Husticia na Macuarima. Awor segun tin entendi pronto lo tin un despacho disponible na unda Recherche Oranjestad lo bay atende casonan.
Tin mester di camber (espacio sera ) pa interogacion, tambe pa atende publico. Trabao di Recherche no ta facil e ta exigi hopi esfuerzo di interogacion, observacion, buskeda di sospechoso nan, testigonan material di prueba asina por sigui menciona. Ta di lamenta si cu ciudadanonan di distrito Oranjestad tin bay bati te na porta di Recherche na Wayaca.
Awor Recherche tin cu yama otro colega Recherche pa warda espacio, debi e tin persona pa interoga. E problema aki riba Diaranson, e Hefe di Polis a hiba combersacion cu e partidonan a envolvi, pa busca un soluciona asina no por funciona.
Tambe minister di husticia Mr. Andin Bikker a acudi na warda Macuarima debi e situacion ta tenso y pa busca solucion duradero. Pero lo tin espacio disponibel pero mester drecha y gobierno mester percura pa entre otro pa Recherche, atraco team, departamento droga por haci nan debidamente.
Un cos a hala nos atencion cu desde Ministerio Publico a muda pa Rumbastraat, nan edificio bieu den Klipstraat a keda basta tempo bashi desde e tempo ey por a pensa pa Recherche atraco team por a establece den e edificio. Pero el a worde ocupa pa un despacho di un minister.
