Home Turismo Renaissance Aruba ta mantene EarthCheck Gold Certificate

Renaissance Aruba ta mantene EarthCheck Gold Certificate

92
0
SHARE
- Advertisement -

ORANJESTAD (AAN): Renaissance Aruba Resort & Casino, parti di Wind Creek Hospitality, ta anuncia cu nan ta mantene nivel di oro pa nan certificacion di EarthCheck. E ouditoria a tuma lugar recientemente na unda cu a completa un revision riba progreso y coreccion.

E status di oro pa un certificacion asina importante ta worde alcansa door di empresanan cu continuamente ta busca manera pa mehora den e practica ‘berde’ y cu den forma sostenibel ta trece cambio cu na largo plaso ta duna resultadonan beneficioso pa e empresa.

Renaissance Aruba Resort & Casino ta mantene su lugar como lider den un grupo unico mundialmente reconoci di operadornan turistico cu ta worde certifica di acuerdo cu standard internacional di EarthCheck Company.

Di acuerdo cu Paul Gielen, General Manager, “Renaissance Aruba Resort & Casino tin un herment valioso na momento di raporta prestacion di relevancia pa nos medioambiente y empresa.

Nos ta masha contento di por mantene nos certificacion di oro. E compromiso cu nos tin cu e practicanan ‘berde’ ta beneficia nos medioambiente directamente. Un EarthCheck Gold Certificate ta prueba di nos dedicacion y disciplina. Nos ta felicita tur colega cu e logro importante aki. ”

E certificacion di oro tin un balor grandi den e practicanan cu e resort tin. Por haci mencion di panelnan solar cu ta worde uza, maneho di reciduo/ sushi y varios otro practica cu ta ser pidi cerca e huesped y empleado. Tur esaki a contribui na un EarthCheck Gold Certificate.

Tocante Certificacion EarthCheck:

E programa ta ofrece evaluacion comparativo (benchmarking), certificacion y mehoracion den sistemanan cu ta asisti den practicanan sostenibel pa cu industria turistico internacional.

E programa di EarthCheck cu ta vigente for di 1987 ta ofrece un sistema di certificacion y auditoria cu ta responde directamente na e problematica mayor den medioambiente global.

Esaki ta inclui e ‘greenhouse effect’, mal uzo di awa, destruccion di biodiversidad y produccion di sushi biologico. E aña aki Renaissance Aruba Resort & Casino a pasa un auditoria, cu a inclui 555 camber, 2 casino, e convention center y tambe Renaissance Island.

- Advertisement -

DUNA COMENTARIO

Please enter your comment!
Please enter your name here