Home Parlamento Rescate di pais ta responsabilidad di Parlamento

Rescate di pais ta responsabilidad di Parlamento

26
0
SHARE
- Advertisement -

Parlamentarionan Thijsen y Tjon den rapport extenso

Bon gobernacion cu base constitucional y solucion financiero/social

ORANJESTAD(AAN)–Hulanda tin e derecho di intervencion na Aruba actualmente? Den un rapport extenso e dos miembronan di fraccion di MEP den Parlamento, Mr. Juan E. Thijsen y Rocco G. Tjon MBA, ta presenta nan disertacion contra posibel intervencion di Hulanda.

“Bon gobernacion enfrente Mal Gobernacion” ta e punto di salida den e rapport di e dos miembronan di Parlamento pa MEP.

Nan ta separa e camponan di problema na Aruba den dos parti. Tin un crisis constitucional pa resolve mescos cu un crisis financiero, economico y social.

Sin deshaci di limitenan di poder, segun e dos miembronan di Parlamento mester bini cu solucion cu ta honra bienestar di Aruba y di Reino.

Tjon y Thijsen ta atribui e problemanan na gobernacion Eman y e di nuebe constelacion di Parlamento di Aruba cu manera nan lo trece dilanti na forma profundisa den e rapport a faya den duna e garantianan constitucional na e pais.

Bon gobernacion, siguridad huridico y realisacion di libertadnan y derechonan fundamental di e ciudadano, no tabata realidad bou gobierno anterior.

Segun e miembronan di Parlamento, Gobierno di Reino a faya den e garantianan cu Statuut ta exigi. E intervencion temporal no a duna resultado mientras cu no a resultado y colegionan halto di estado no a wordo respeta.

Na forma extenso e dos miembronan di Parlamento ta mustra cu no por generalisa e situacion cu Aruba a conoce durante dos periodo di gobernacion anterior.

Nan ta presenta e trabounan di MEP y ta presenta cifranan pa indica con Aruba a haya su mes den e situacion actual di debe cu e pais por resolve cu accionnan apropia.

Na un forma extenso ta raporta advertencianan y rapportnan di instancianan oficial di Aruba contra e maneho cu a wordo hiba dor di gobierno anterior.

Cifranan cu ta wordo presenta ta mustra con debenan di e pais a subi paulatinamente y asina crea e actual situacion financiero,. economico y social di e pais.

E rapport ta conclui cu e base huridico di Aruba y di relacionnan den Reino, cu ta pone autoridad pa sigura bon gobernacion den man di Parlamento di Aruba.

Ta na Parlamento pa percura pa Integridad y e bon funcionamento financiero di e pais, manera e rapport ta mustra y cu lo wordo ilustra den proximo edicion.

- Advertisement -

DUNA COMENTARIO

Please enter your comment!
Please enter your name here